მაშინ, როცა on-chain აქტივობები მიმდინარეობს უშუალოდ ბლოკჩეინზე, ტერმინი „off-chain“ ეხება ბლოკჩეინის გარეთ მიმდინარე აქტივობებს. ეს შეიძლება მოიცავდეს მეორე დონის მექანიზმების ან გარე ქსელების გამოყენებით განხორციელებულ ტრანზაქციებს და პროცესებს. მოდით განვიხილოთ on-chain-სა და off-chain-ს შორის არსებული ძირითადი განსხვავებები.
On-chain ტრანზაქციები ხშირად საჭიროებს ვალიდაციას მთელი ქსელის მიერ, რაც იწვევს ტრანზაქციების სიჩქარის შემცირებას და მასშტაბირებადობასთან დაკავშირებულ პრობლემებს. მეორეს მხრივ, off-chain ტექნოლოგიები გთავაზობთ უფრო სწრაფ და მასშტაბირებად ტრანზაქციებს, გარკვეული აქტივობების ძირითადი ბლოკჩეინის გარეთ დამუშავებით.
On-chain ტრანზაქციები, როგორც წესი, მოიცავს ვალიდაციისთვის საჭირო გამოთვლით რესურსებთან დაკავშირებულ ქსელის საკომისიოს. Off-chain ტექნოლოგიები კი გთავაზობთ ხარჯების შემცირებას მთავარ ბლოკჩეინზე დატვირთვის შემცირებით და ტრანზაქციების უფრო დაბალი საკომისიოებით განხორციელებით.
On-chain ტრანზაქციები სარგებლობს ბლოკჩეინის უსაფრთხოებითა და უცვლელობით. Off-chain ტექნოლოგიებმა კი შეიძლება დანერგონ უსაფრთხოების სხვადასხვა მოდელები და კონფიდენციალურობის მოსაზრებები, კონკრეტული ტექნოლოგიის არქიტექტურის შესაბამისად.
On-chain აქტივობები მოიცავს ბლოკჩეინზე პირდაპირ ჩაწერილ ტრანზაქციებს, სმარტ-კონტრაქტებს და ტოკენიზაციას, რაც უზრუნველყოფს გამჭვირვალობას, უსაფრთხოებას და უცვლელობას. On-chain და off-chain აქტივობებს შორის განსხვავებების გარჩევა, ეხმარება ინდივიდებსა და ბიზნესებს ინფორმირებული გადაწყვეტილებების მიღებაში ბლოკჩეინის ეკოსისტემაში მათ ქმედებებთან დაკავშირებით. ეს ორი კონცეფცია ასევე მნიშვნელოვანია მასშტაბირებადობის ტექნოლოგიების კონტექსტში, სადაც უპირატესობა ენიჭება off-chain ალტერნატივებს.
შარდინგი არის ბლოკჩეინების (ან სხვა ტიპის მონაცემთა ბაზების) მცირე, დანაწევრებულ ბლოკჩეინებად გაყოფის მეთოდ...
zk-როლაფი მე-2 დონის ბლოკჩეინის მასშტაბირების ტექნოლოგიაა, რომლის დანიშნულებაა ბლოკჩეინის ქსელის გამტარუნარ...
opBNB მუშაობს, როგორც მე-2 დონის მასშტაბირებადობის მექანიზმი, რომლის მეშვეობითაც ხდება ტრანზაქციების დამუშა...