ტერმინი multisig აღნიშნავს „მრავალ ხელმოწერას“ და წარმოადგენს ციფრული ხელმოწერის კონკრეტულ ტიპს, რომელიც შეიძლება შეიქმნას რამდენიმე უნიკალური ხელმოწერის კომბინირებით. multisig ტექნოლოგია იძლევა ციფრულ დოკუმენტებზე ან კრიპტოვალუტის ტრანზაქციებზე კოლექტიური ხელმოწერის დამატების საშუალებას.
მოკლედ რომ ვთქვათ, multisignature მისამართზე წვდომა შესაძლებელია მხოლოდ ერთდროულად 2 ან მეტი ხელმოწერის დამატების შემთხვევაში.
წარმოიდგინეთ უსაფრთხოების დეპოზიტის ყუთი, რომელსაც აქვს ორი საკეტი და ორი გასაღები. ერთი გასაღები აქვს ელისს, მეორე კი - ბობს. დეპოზიტის ყუთის გახსნისთვის საჭიროა ორივე გასაღების ერთდროულად გამოყენება, რაც უზრუნველყოფს იმას, რომ ერთი პირი ვერ შეძლებს ყუთის გახსნას მეორის ნებართვის გარეშე.
რადგან multisig მისამართებიდან თანხების გადარიცხვისთვის საჭიროა ერთზე მეტი ხელმოწერა, ამ სისტემის გამოყენება შეუძლიათ ბიზნესებს და კორპორაციებს, რომელთაც სურთ თანხების საზიარო საფულეში შენახვა. ეს შეამცირებს რისკებს, რომლებიც დაკავშირებულია თანხების ერთი პირის მიერ კონტროლთან ან ერთი პირადი გასაღების ერთდროულად რამდენიმე პირის მიერ გამოყენებასთან.
დეცენტრალიზებული ციფრული ლეჯერი, რომელშიც ქრონოლოგიური თანმიმდევრობითაა ჩაწერილი კრიპტოვალუტის ტრანზაქციები...
გამოიყენება კრიპტოვალუტების გასაგზავნად და მისაღებად. არსებობს სხვადასხვა ტიპის საფულე: პროგრამული, აპარატუ...