Satoshi
Update shuda Aug 28, 2026 Satoshi bitcoin ka sab se chota unit hai, jo keh bitcoin ke one-hundred-millionth, ya 0.00000001 BTC ke brabar hai, jo keh netwok ki record ki jane wali sab se kam raqam hai.
Is ka matlab hai keh ek bitcoin 100 million satoshi ke barabar hai. Is unit ka naam bitcoin ke farzi creator ya creators,
Satoshi Nakamoto ko khiraj e tehseen pesh karne ke liye rakha gaya tha. Is ko aksar mukhtasir andaz mein ''sat,'' likha jata hai, aur bitcoin ki choti amounts ko aasani ke sath parhe janay ke liye aksar satoshi ki soorat mein display kiya jata hai.
Kisi currency ke aalmi zariya e mubadle ke tor par kaam karne ke liye, us ka chote units mein qabil e taqseem hona madadgar hota hai.
Fiat currencies bhi aesa karti hain: US dollar mein cent, aur British pound mein penny mojood hai. Digital currency ke tor par, bitcoin ko bhi choti denominations mein taqseem kiya ja sakta hai.
Mojooda Bitcoin protocol ke tehat, ek wahid bitcoin ko ek satoshi se ziada mazeed taqseem nahi kiya ja sakta. Blockchain mein record shuda tamam raqoom satoshi mein denominate ki jati hain, agarcheh ziada tar platform un ko zahir karne ke liye bitcoin mein tabdeel karte hain. Yeh behtreen taqseem ka tareeqa aaj bhi Bitcoin ki bunyadi khasoosiyat hai, jo bitcoin ki mukammal qeemat tabdeel honay ke bawajood rozmarrah ki choti adaigiyon mein muawannat karti hai. Kiun Keh bitcoin ko bohat se chotay hisson mein taqseem kiya ja sakta hai, users mukammal coin ki malkiyat rakhe baghair choti values bhej ya wasool kar sakte hain.
Agarcheh satoshi bunyadi layer par mojood sab se chota unit hai, lekin kuch haalat mein is se bhi choti raqam ki zarurat ho sakti hai.
Lightning Network ki janib se istemal kiye jane walay adaygi ke channels, jo Bitcoin ke liye scaling hal hai, un ko millisatoshi mein bhi denominate kiya ja sakta hai, jo keh ek wahid bitcoin ke das arabwan hissa hai. Nazriati tor par, Bitcoin protocol ko mustaqbil mein mazeed taqseem ki gunjaish dene ke liye bhi update kiya ja sakta hai.
Bitcoin ki deegar denominations bhi mojood hain, albatta wo bohat kam istemal ki jati hain. Ek millibitcoin (mBTC) ek bitcoin ke hazarwein (0.001 BTC) hisse ke barabar hota hai, aur ek microbitcoin (μBTC) ek bitcoin ke das lakhwein (0.000001 BTC) hisse ke barabar hota hai. Filhal, satoshi ke liye aam tor par tasleem shuda currency ki alamat mojood nahi hai, aur riwayati tor par jama ki istilah "satoshi" hi hai, lekin "satoshis" ki istilah aam tor par istemal aur tasleem ki jati hai.