Ano ang BETH at Paano Ito Gamitin
Talaan ng mga Nilalaman
Panimula
Ano ang BETH?
Paano gamitin ang BETH
Mas mataas ba ang halaga ng BETH kaysa sa ETH?
Mga pangwakas na pananaw
Ano ang BETH at Paano Ito Gamitin
HomeMga Artikulo
Ano ang BETH at Paano Ito Gamitin

Ano ang BETH at Paano Ito Gamitin

Baguhan
Published Apr 8, 2021Updated Sep 9, 2021
4m

TL;DR

Ang BETH ay isang tokenized na bersyon ng naka-stake na ETH sa Binance. Isa itong simpleng paraan para makasali sa pag-stake sa ETH 2.0 Beacon Chain. Sa paghawak nito, kwalipikado ka para sa mga reward sa pag-stake na nakukuha sa pamamagitan ng ETH 2.0 staking node ng Binance. Pero hindi lang iyon; puwede mo rin itong magamit sa marami pang ibang paraan sa platform ng Binance at Binance Smart Chain (BSC).


Panimula

Sa paglulunsad ng Beacon Chain noong Disyembre 2020, nasa tamang iskedyul ang hanay ng mga pag-upgrade (ETH 2.0) na may layuning pahusayin ang scalability ng Ethereum. Bilang bahagi ng phase 0 ng plano sa pag-deploy, puwede nang i-stake ang ETH sa bagong chain na ito. Sa BETH, binibigyang-daan kang makasali agad sa pag-stake ng ETH nang hindi nawawalan ng flexibility na i-withdraw ang iyong ETH anumang oras.


Ano ang BETH?

Ang BETH ay isang tokenized na bersyon ng naka-stake na ETH . Ang bawat BETH ay kumakatawan sa 1 naka-stake na ETH sa Binance. Pero saglit lang, hindi ba gumagana ang Ethereum sa Proof of Work (PoW)? Sa ngayon, oo. Gayunpaman, bilang bahagi ng ETH 2.0, ganap nang lilipat ang Ethereum sa Proof of Stake (PoS)

Dahil sa pagiging kumplikado ng mga pag-upgrade, iro-roll out ito sa iba't ibang phase. Ang unang hakbang ay ang paglulunsad sa tinatawag na Beacon Chain, na magiging sentro ng Eth2 kapag ganap nang naipatupad ang sharding. Gumagana na ang Beacon Chain, at noong Marso 2021, mayroon na itong lampas 3.5 milyong ETH na nagse-secure dito.

One-way lang ang paglapat ng kontrata ng deposito para sa Beacon Chain. Ibig sabihin, puwedeng magdeposito ang mga user, pero hindi sila makakapag-withdraw hangga't hindi pa ganap na nailulunsad ang ETH 2.0 – na puwedeng abutin nang taon. Bukod pa rito, makakapagdeposito lang sila sa mga increment ng 32 ETH.

Nakakatanggap na ng mga reward sa pag-stake ang lahat ng ETH na iyon na nasa Beacon Chain. Ano ang gagawin mo kung wala kang 32 ETH, o gusto mong panatilihin ang flexibility na mag-withdraw? Puwede kang sumali sa isa sa napakaraming pool ng pag-stake ng ETH 2.0. Ang isa sa mga ito ay iniaalok ng Binance.

Puwede mong i-convert ang iyong ETH sa BETH sa 1:1 na ratio at puwede ka nang magsimulang tumanggap ng mga reward sa pag-stake sa BETH. Magaling, pero paano kung gusto mo pa ring gamitin ang iyong ETH sa iba? May spot market din ang Binance para sa BETH/ETH, kung saan puwede mong i-convert ang iyong BETH pabalik sa ETH.


Paano gamitin ang BETH

Puwede mong gamitin ang BETH sa iba't ibang paraan. Ang isa sa mga ito ay ang pagtatabi lang nito sa Binance para makakuha ng mga reward sa pag-stake. Puwede mo ring i-withdraw ang iyong BETH sa Binance Smart Chain (BSC) at gamitin ito sa mga DeFi app. Tingnan natin ang iba't ibang opsyon.


BETH sa Launchpool ng Binance at Liquid Swap

Kung itatabi mo ang iyong BETH sa Binance, puwede mo itong magamit para makakuha ng mga dagdag na reward. Halimbawa, gumagamit ng BETH ang mga proyekto sa Launchpool paminsan-minsan bilang isa sa mga coin na puwedeng ideposito. Ila-lock mo lang ang iyong BETH sa Launchpool at magkakaroon ka ng bagong lunsad na token na magkakaroon agad ng liquidity mula sa palitan ng spot ng Binance.


BETH sa Liquid Swap ng Binance

Puwede mo ring gamitin ang BETH sa Liquid Swap ng Binance. Halimbawa, puwede kang makakuha ng mga reward sa pamamagitan ng pagbibigay ng liquidity sa liquidity pool ng ETH/BETH. Tandaan na puwede kang magdagdag ng ETH, BETH, o pareho sa liquidity pool - pero kung magdaragdag ka ng pareho, walang ipapataw sa iyong bayarin.


BETH sa mga protocol ng paghiram-pagpapahiram

Ang isa pang opsyon ay ang pagdeposito ng BETH sa isang money market gaya ng Venus para kumita ng yield o gamitin ito bilang collateral para manghiram ng ibang coin.


BETH sa PancakeSwap

Puwede ka ring magbigay ng liquidity sa pares na BETH/ETH sa PancakeSwap at makatanggap ng CAKE. Tandaan na dahil gumagana ang PancakeSwap na gaya ng Uniswap, kakailanganin mo rin ang tokenized na bersyon ng ETH sa BSC para makapagbigay ng katumbas na halaga ng dalawang token.
Ang isang bentahe ng pagbibigay ng liquidity sa pool na ito ay dahil magkapareho o halos magkapareho ang mga presyo ng BETH at ETH, hindi ka ganoong kalantad sa pansamantalang pagkalugi, hindi tulad sa ibang pool.  Kung hindi mo alam ang ibig sabihin nito, basahin ang aming artikulo tungkol sa pansamantalang pagkalugi

Sa madaling salita, hindi ganoong kalantad ang pool na ito sa pansamantalang pagkalugi dahil ang relatibong volatility sa pagitan ng BETH at ETH ay hindi hamak na mas mababa kumpara sa iba gaya ng ETH at BUSD. Ibig sabihin, ang presyo ng ETH at BETH ay mananatili sa isang limitadong hanay ng presyo sa pangkalahatan, kaya naman banayad lang ang mga epekto ng pansamantalang pagkalugi.


BETH sa mga aggregator ng yield

Bilang panghuli, puwede mo ring gamitin ang BETH sa isa sa mga aggregator ng yield sa BSC. Idedeposito mo ang iyong BETH, at awtomatikong susubukan ng protocol na hanapin ang pinakamagagandang oportunidad ng yield para sa iyo. Beefy at Autofarm ang dalawang halimbawa na sumusuporta sa BETH.


Mas mataas ba ang halaga ng BETH kaysa sa ETH?

Kung pupunta ka sa merkado ng BETH/ETH sa Binance, makikita mong hindi nagte-trade ang BETH sa 1:1 na ratio sa ETH – kahit na ang bawat BETH ay kumakatawan sa 1 naka-stake na ETH. Bakit ganoon? Ang maikling sagot diyan ay magkaibang asset kasi ang mga ito. Ang pagtukoy sa presyo ng BETH at ETH ay ganap na nakadepende sa merkado. Tandaan, ang BETH ay isang tokenized na bersyon ng naka-stake na ETH. 

Dahil dito, iba ang mga implikasyon ng BETH kumpara sa ETH. Dahil nagte-trade ito sa ibang presyo, nangangahulugan ito na pinepresyuhan ng merkado ang mga kalidad na iyon sa paraang iba sa pagpepresyo sa ETH. Kasalukuyang hindi mare-redeem ang BETH para sa ETH, ibig sabihin, hindi ito ganoong ka-flexible kumpara sa ETH. Bukod pa rito, binibigyan din nito ang may hawak ng pagkakataong makakuha ng mga reward sa pag-stake.


Mga pangwakas na pananaw

Ang BETH ay isang tokenized na bersyon ng naka-stake na ETH sa Binance. Puwede kang kumita ng mga reward sa pag-stake ng ETH 2.0 nang walang inaalalang mga teknikal na pangangailangan sa pag-set up at pagpapanatili ng staking node ng ETH 2.0. Bukod pa rito, may iba't ibang paraan para kumita ng dagdag na yield gamit ang mga DeFi app sa Binance Smart Chain.