BEP-20

BEP-20 – бұл BNB Smart Chain (BSC) желісіндегі токен стандарты. Ол Ethereum желісіндегі ERC-20 токен стандартына ұқсайды. Токен стандарты токендердің қалай жұмсалатынын, оларды кім жұмсай алатынын және пайдалану ережелерін анықтайтын үлгі деп қарастыруға болады.

BEP-20 BNB Smart Chain үшін техникалық сипаттама ретінде ойластырылған. Оның мақсаты – әзірлеушілерге әртүрлі токендерді оңай іске қосуға мүмкіндік беру. Мұндай токендер бизнестегі акциялардан бастап банк сейфінде сақталған долларларға дейінгі активтерді (мысалы, стейблкоиндер) білдіруі мүмкін. 

Сондай-ақ жергілікті актив ретінде BEP-20 токенін жасауға немесе басқа блокчейндердегі токендерді байланыстырып, оларды BNB Smart Chain желісінде пайдалануға болады. Бұл «Peggy» монеталарында қолданылады. Олар негізінде басқа криптоактивтердің (мысалы, LINK немесе XRP) BEP-20 нұсқалары болып табылады.

BEP-20 токендерінің аударымдары BNB есебінен жүзеге асырылады. Бұл валидаторларды транзакцияларды блокчейнге қосуға ынталандырады, себебі олар бұл үшін BNB түрінде алым алады.