ტერმინი „Bull ბაზარი“ აღნიშნავს ბაზრის ფასების მოძრაობის დადებით ტენდენციას. ეს ტერმინი ფართოდ გამოიყენება როგორც კრიპტოვალუტის სივრცეში, ისე ტრადიციულ ბაზრებზე. მოკლედ რომ ვთქვათ, Bull ბაზარი აღნიშნავს ბაზრის ძლიერ აღმავალ ტენდენციას, რაც ხასიათდება ფასების მნიშვნელოვანი ზრდით დროის შედარებით მოკლე პერიოდში. ტრადიციულ ბაზრებთან შედარებით, კრიპტოვალუტის ბაზრები არის მცირე ზომის და უფრო მეტად არასტაბილური. შესაბამისად, ძლიერი და ხანგრძლივი Bull ბაზრები საკმაოდ გავრცელებული მოვლენაა, რა დროსაც 1 ან 2 დღეში ფასის 40%-იანი ზრდა არც თუ ისე იშვიათია.
ისტორიულად, Bull ბაზრის პერიოდის დადგომას ხელს უწყობს რამდენიმე ფაქტორი. ტრადიციულ სავაჭრო ბირჟებზე, მთლიანი შიდა პროდუქტის (მშპ-ის) მაღალი მაჩვენებელი და უმუშევრობის დაბალი დონე გავლენას ახდენს ხელსაყრელი საბაზრო პირობების ჩამოყალიბებაზე, რაც ზრდის ინვესტორთა ინტერესს. ეს ფაქტორები ასევე არაპირდაპირ გავლენას ახდენს კრიპტოვალუტის ბაზრებზე, თუმცა რადგან კრიპტო სივრცე შედარებით მცირე ზომისაა, მისი ქცევა განსხვავებულია და ყოველთვის არ არის დაკავშირებული ტრადიციულ ბაზრებთან ან ეკონომიკურ ინდექსებთან.
ეკონომისტების განცხადებით 1929-დან 2014 წლამდე აშშ-ში დაფიქსირდა 25 Bull ბაზარი და 25 Bear ბაზარი. Bear ბაზრების დროს, დანაკარგის საშუალო მაჩვენებელი შეადგენს -35%-ს, ხოლო Bull ბაზრების დროს მიღებული მოგება დაახლოებით +104%-ია. ეს ტენდენციები გვაჩვენებს, თუ როგორ უზრუნველყოფს ბაზრის იმპულსი ფასის ზრდის (Bull ბაზრებზე) და კლების (Bear ბაზრებზე) უწყვეტობის შენარჩუნებას.
აქტივების ყიდვა და გაყიდვა სხვადასხვა ბაზარზე, აქტივის ფასებს შორის სხვაობით სარგებლის მიღების მიზნით.
ბაზრის ფასების მოძრაობის უარყოფითი ტენდენცია. ეს ტერმინი ფართოდ გამოიყენება როგორც კრიპტოვალუტის სივრცეში, ...