ტერმინი „Bear ბაზარი“ აღნიშნავს ბაზრის ფასების მოძრაობის უარყოფით ტენდენციას. ეს ტერმინი ფართოდ გამოიყენება როგორც კრიპტოვალუტის სივრცეში, ისე ტრადიციულ ბაზრებზე, მაგალითად აქციებით, ობლიგაციებით, უძრავი ქონებით და საქონლით ვაჭრობისას.
ზოგადად, Bear ბაზარი აღნიშნავს ბაზრის ძლიერ დაღმავალ ტენდენციას, რაც ხასიათდება ფასების მნიშვნელოვანი კლებით დროის შედარებით მოკლე პერიოდში. ტრადიციულ ბაზრებთან შედარებით, კრიპტოვალუტის ბაზრები მცირე ზომის და უფრო მეტად არასტაბილურია. შესაბამისად, ძლიერი და ხანგრძლივი Bear ბაზრები საკმაოდ გავრცელებული მოვლენაა, რა დროსაც ფასის 85%-იანი ვარდნა არც თუ ისე იშვიათია.
Bear ბაზრის საპირისპირო მოვლენას ეწოდება Bull ბაზარი, რომლის მიზეზიც ინვესტორთა ოპტიმისტური განწყობაა. ფასების ზრდა (Bullish ტენდენცია) იწვევს ბაზარზე პოზიტიური განწყობის შექმნას და ტრეიდერებში აქტივების მიმართ ნდობის გაზრდას, რის გამოც ისინი უფრო მეტ ინვესტიციებს ახორციელებენ, შედეგად ფასები კიდევ უფრო მეტად იზრდება. ეკონომისტების განცხადებით 1929-დან 2014 წლამდე აშშ-ში დაფიქსირდა 25 Bull ბაზარი და 25 Bear ბაზარი. Bear ბაზრების დროს, დანაკარგის საშუალო მაჩვენებელი შეადგენს -35%-ს, ხოლო Bull ბაზრების დროს მიღებული მოგება დაახლოებით +104%-ია. ეს ტენდენციები გვაჩვენებს, თუ როგორ უზრუნველყოფს ბაზრის იმპულსი ფასის ზრდის (Bull ბაზრებზე) და კლების (Bear ბაზრებზე) უწყვეტობის შენარჩუნებას.
აქტივების ყიდვა და გაყიდვა სხვადასხვა ბაზარზე, აქტივის ფასებს შორის სხვაობით სარგებლის მიღების მიზნით.
ბაზრის ფასების მოძრაობის დადებითი ტენდენცია. ეს ტერმინი ფართოდ გამოიყენება როგორც კრიპტოვალუტის სივრცეში, ი...