Ano ang ApeCoin (APE)?

TL;DR

Ang ApeCoin (APE) ay isang ERC-20 na utility at governance token ng APE ecosystem. Pinapagana nito ang desentralisadong komunidad ng APE na pangunahing gumagamit ng Web 3.0.

Pinamamahalaan ang APE ng ApeCoin DAO at sinusuportahan ito ng APE Foundation. Sa pamamagitan ng APE, makakaboto ang mga may hawak ng token sa mga panukala sa pamamahala sa DAO at makaka-access sila ng mga eksklusibong feature ng APE ecosystem, gaya ng mga laro, event, at serbisyo.

Ginagamit na rin ng Yuga Labs, ang creator ng mga sikat na NFT na koleksyon na Bored Ape Yacht Club (BAYC), ang APE bilang pangunahing token para sa lahat ng bagong produkto at serbisyo.

Panimula

Simula noong inilunsad ito noong Abril 2021, isa ang Bored Ape Yacht Club (BAYC) sa mga naging pinakasikat na NFT na koleksyon. Kilala ang BAYC sa pagkakaroon ng masigla at aktibong komunidad ng mga tagasuporta.

Ang ApeCoin (APE) ang governance at utility token ng APE ecosystem. Isa itong desentralisadong antas ng protocol na nakakasuporta sa komunidad ng APE na pangunahing gumagamit ng Web 3.0.

Ang APE ay isang ERC-20 na token na may kabuuang supply na 1 bilyong token. Kontrolado at binubuo ito ng komunidad. Ang ApeCoin DAO ay isang desentralisadong organisasyong nagbibigay-daan sa lahat ng may hawak ng APE na bumoto sa mga desisyon sa pamamahala na nauugnay sa token.

Bilang karagdagan, ginagamit din ng Yuga Labs ang APE bilang pangunahing token para sa lahat ng bagong produkto at serbisyo. Ang Yuga Labs ang creator ng trending na Bored Ape Yacht Club (BAYC) na mga NFT na koleksyon. Pag-aari din nito ang IP ng dalawa pang sikat na NFT na proyekto, ang CryptoPunks at Meebits.

Paano gumagana ang APE work?

Ginawa ang APE para magamit sa lumalaking APE ecosystem. Pinamamahalaan ito ng ApeCoin DAO at sinusuportahan ng APE Foundation.

Ang ApeCoin DAO ay isang decentralized autonomous organization (DAO) para makalahok ang lahat ng may hawak ng APE token sa mga desisyon sa pamamahala. Puwede silang magpasya kung paano ia-allocate ang Ecosystem Fund, gagawa ng mga panuntunan sa pamamahala, pipili ng mga proyekto, partnership, atbp. Pagkatapos bumoto ng mga miyembro ng DAO sa mga panukala, ipapatupad ng APE Foundation ang mga desisyon sa pamamahalang pinamumunuan ng komunidad.

Ang APE Foundation ang legal na tagapagbantay ng DAO. Pinangangasiwaan nito ang paglago at pag-unlad ng APE ecosystem sa paraang patas at inklusibo. Sa Foundation, may espesyal na konsehong tinatawag na Board. May tungkulin ito na tiyaking maipapatupad ang mga adhikain ng komunidad. Ang Board ay binubuo ng 5 miyembro mula sa komunidad ng tech at crypto, kabilang ang co-founder ng Reddit na si Alexis Ohanian. Bilang isang desentralisadong Board, magsisilbi ang mga inisyal na Board member sa loob ng 6 na buwan bago bumoto ng mga bagong miyembro ng Board ang mga may hawak ng APE kada taon.

Ano ang APE ecosystem?

Ang APE ecosystem ay binubuo ng komunidad ng mga may hawak ng ApeCoin, at lahat ng produkto at serbisyong gumagamit ng APE.

Ang Yuga Labs ay isang web3 na kumpanyang kilalang-kilala dahil sa paggawa sa Bored Ape Yacht Club. Magiging miyembro ito ng komunidad sa ApeCoin DAO at gagamit ito ng APE bilang pangunahing token sa lahat ng bagong proyekto. Noong inilunsad ang ApeCoin, nagkaroon ng pagkakataong sama-samang makapag-claim ng 15% ng supply ng ApeCoin (150 milyong token sa 1 bilyong kabuuang supply na token) ang mga may hawak ng mga Bored Ape Yacht Club at Mutant Ape Yacht Club na NFT.

Tingnan natin ang mga NFT na koleksyong nauugnay sa APE ecosystem.

Bored Ape Yacht Club (BAYC)

Inilunsad noong Abril 2021, ang Bored Ape Yacht Club (BAYC) ay ang unang NFT na koleksyon ng APE ecosystem. Mayroon itong 10,000 natatanging Ape sa Ethereum blockchain. May natatanging hitsura, estilo, at rarity ang bawat Ape.

Mutant Ape Yacht Club (MAYC)

Ang Mutant Ape Yacht Club (MAYC) ay isang NFT na koleksyong binubuo ng hanggang 20,000 mutated na bersyon ng mga orihinal na BAYC Ape. 10,000 mutant serum ang na-airdrop sa mga orihinal na may hawak ng BAYC NFT, na may tatlong tier ng mga serum na nakapagdagdag sa rarity ng mga katangian. Gamit ang iba't ibang tier ng serum na natanggap nila, makakagawa ang mga may hawak ng BAYC ng iba't ibang uri ng mga mutant Ape. Isang mutant lang mula sa isang uri ng serum ang puwedeng mabuo ng bawat BAYC, at mawawala ang serum pagkagamit.

Naging paraan din ang MAYC na makapaghikayat ng mas maraming miyembro sa komunidad ng APE. Kaya naman 10,000 mutant Ape din ang na-mint para maibenta sa publiko noong Agosto 2021 kasunod ng airdrop ng mutant serum.

Bored Ape Kennel Club (BAKC)

Ang Bored Ape Kennel Club (BAKC) ay isang koleksyon ng mga asong NFT na ginawang available sa bawat isang miyembro ng BAYC. Para sa bawat Bored Ape na NFT na hawak nila, puwedeng “mag-ampon” ang mga may hawak ng isang random na Club Dog na NFT nang libre, bayad sa gas lang ang dapat bayaran. Gaya ng mga Ape, may iba't ibang katangian at rarity ang 10,000 BAKC na NFT.

Ano ang magagawa ng mga APE token?

Maraming nagagawa ang ApeCoin token sa APE ecosystem. Nagbibigay-daan ito na makasali ang mga may hawak sa ApeCoin DAO bilang governance token. Makaka-access din ang mga may hawak ng APE ng mga eksklusibong feature ng APE ecosystem, kabilang ang mga laro, merch, event, at serbisyo.

Ang APE ay isa ring tool para makasali ang mga third-party developer sa APE ecosystem. Puwede nilang gamitin ang token sa kanilang mga serbisyo, laro, at iba pang proyekto bilang mga insentibo. Halimbawa, ginagamit ang APE bilang mga insentibo para sa mga player sa Benji Bananas, isang play-to-earn na mobile game na ginawa ng Animoca Brands. Nag-aalok ang Benji Bananas ng Membership Pass (‘Benji Pass’), isang NFT na magbibigay-daan sa mga may-ari nito na makakuha ng mga espesyal na token kapag naglalaro ng Benji Bananas, at magbibigay-daan din sa kanila na ma-swap sa ApeCoin ang mga token.

Paano bumili ng APE sa Binance?

Puwede kang bumili ng ApeCoin (APE) sa mga palitan ng cryptocurrency gaya ng Binance.

1. Mag-log in sa iyong account sa Binance at i-click ang [Mag-trade]. Piliin ang classic o advanced na mode ng pag-trade para magsimula.

2. I-type ang “APE” sa search bar para makita ang mga available na pares sa pag-trade. Gagamitin natin ang APE/BUSD bilang halimbawa.

3. Pumunta sa kahong [Spot] at ilagay ang halaga ng APE na gusto mong bilhin. Sa halimbawang ito, gagamit tayo ng Market order. I-click ang [Bumili ng APE] para kumpirmahin ang iyong order, at ike-credit sa iyong Spot Wallet ang nabiling APE.

Mga pangwakas na pananaw

Sa paggamit ng Yuga Labs sa ApeCoin bilang pangunahing token, makakaasa ang komunidad na madaragdagan pa ng mga utility ang token sa hinaharap. Halimbawa, function sa pag-stake para sa mga HODLer ng APE para kumita ng passive income, higit pang paggamit sa GameFi, o maging mga collaboration sa iba pang NFT IP na pag-aari ng Yuga Labs.