SPL იშიფრება, როგორც Solana Program Library (SPL). ეს არის წესებისა და პროტოკოლების ერთობლიობა, რომლითაც განისაზღვრება ტოკენების ფუნქციონირებისა და ინტერაქციის პრინციპები Solana-ს ქსელზე. სხვაგვარად რომ ვთქვათ, ეს არის წინასწარ განსაზღვრული პროტოკოლებისა და სპეციფიკაციების ერთობლიობა, რომლითაც განისაზღვრება ის, თუ როგორ ფუნქციონირებს ტოკენები Solana ბლოკჩეინზე.
ეს სტანდარტიზაცია უზრუნველყოფს სტაბილურობას, ურთიერთთავსებადობასა და ინტეგრაციის სიმარტივეს Solana-ს ეკოსისტემის სხვადასხვა პლატფორმასა და აპლიკაციაში.
ERC-20-ის, BEP-20-ის და ტოკენის სხვა სტანდარტების მსგავსად, SPL ტოკენის სტანდარტიც ითავსებს ერთგვარი ინსტრუქციების ფუნქციას იმ დეველოპერებისთვის, რომელთაც სურთ ტოკენების შექმნა, მართვა და გაშვება Solana-ზე, რითაც ხდება ერთიანი სივრცის ჩამოყალიბება Solana-ს აქტიურად განვითარებადი ტოკენების ეკოსისტემისთვის.
Solana-ზე მოქმედ დეველოპერებს SPL ტოკენის სტანდარტის გამოყენება მრავალი სხვადასხვა ტოკენის შესაქმნელად შეუძლიათ, რომელთაგან თითოეულს კონკრეტული დანიშნულება აქვს. ეს ტოკენები შესაძლოა წარმოადგენდეს ნებისმიერ ობიექტს, იქნება ეს ჩანაცვლებადი აქტივები, მაგალითად სტეიბლკოინები, თუ არაჩანაცვლებადი ტოკენები (NFT-ები), მაგალითად ციფრული საკოლექციო ნივთები. SPL-სთან შესაბამისობით ხდება იმის უზრუნველყოფა, რომ ამ ტოკენებს გააჩნია საერთო პროგრამირების ენა, რაც თავის მხრივ უზრუნველყოფს მარტივ ინტეგრაციას და ინტერაქციას Solana-ს ბლოკჩეინის ქსელთან.
BEP-20 არის ტოკენის სტანდარტი BNB Smart Chain-ზე, რომელიც წარმოადგენს ERC-20-ის, ყველაზე პოპულარული Ethereu...
აღმოაჩინეთ ERC-1155 ტოკენების მრავალფეროვნება. იდეალურია თამაშებისთვის, ციფრული საკოლექციო ნივთებისთვის და ...
შეიტყვეთ მეტი ERC-20, ERC-721, BEP-20 და TRC-20 ტოკენების სტანდარტების შესახებ ბლოკჩეინ ქსელებზე. გაიგეთ მა...