სტეიბლკოინების კონტექსტში, „მიბმის გაუქმება“ გახლავთ სიტუაცია, როდესაც სტეიბლკოინის ღირებულება ძლიერ შორდება სასურველ ფიქსირებულ ფასს, რაც მას ნაკლებად სტაბილურს ხდის. მიუხედავად იმისა, რომ მიბმის გაუქმება შესაძლოა მიუთითებდეს იმაზე, რომ სტეიბლკოინის ღირებულება მიბმულ აქტივზე მეტი ან ნაკლებია, ძირითად შემთხვევაში, მას ფასის მნიშვნელოვანი ვარდნა მოჰყვება.
სტეიბლკოინები გახლავთ კრიპტოვალუტები, რომლებიც შექმნილია იმისთვის, რომ მოხდეს სტაბილური ღირებულების შენარჩუნება. ძირითად შემთხვევაში, ისინი დაკავშირებულია ისეთ ტრადიციულ ვალუტასთან, როგორიცაა მაგალითად აშშ დოლარი. როდესაც ხდება სტეიბლკოინის მიბმის გაუქმება, ღირებულება იწყებს მერყეობას, რაც სტეიბლკოინს ნაკლებად სტაბილურს ხდის და შესაბამისად ნაკლებ ეფექტური ხდება მისი ტრანზაქციებში და ინვესტიციებში გამოყენებაც.
მიბმის გაუქმება შესაძლოა მრავალი სხვადასხვა მიზეზის გამო მოხდეს, ასეთია მაგალითად ტოკენის არასათანადო დიზაინი, მოულოდნელი ცვლილებები მოთხოვნის ან მიწოდების მაჩვენებლებში, რეგულაციებთან დაკავშირებული პრობლემები, ტექნიკური გაუმართაობა ან სტეიბლკოინების მართვასთან დაკავშირებული პრობლემები. ასეთ სიტუაციებში სტეიბლკოინების მფლობელებსა და მომხმარებლებში იმატებს დაბნეულობა და ღელვა, რაც ძირითად შემთხვევაში იწვევს მერყეობის ზრდას და ფასების მოულოდნელ ცვლილებას, რაც გამოწვეულია გაყიდვის მაღალი წნეხით.
მიბმის გაუქმებას მოყვება მრავალი გაურკვევლობა, რაც ინვესტორებსა და მომხმარებლებს გარკვეულ ეჭვებს უჩენს სტეიბლკოინის სანდოობასთან დაკავშირებით. ამან შეიძლება ადამიანებს სტეიბლკოინებთან დაკავშირებული ნდობაც კი დააკარგვინოს, რაც თავის მხრივ ზეგავლენას მოახდენს მთელს კრიპტოვალუტების ბაზარზე.
მიბმის გაუქმების თავიდან არიდების მიზნით, მნიშვნელოვანია სტეიბლკოინების პროექტები იყოს მარტივად ხელმისაწვდომი და მოიცავდეს ჭეშმარიტ ინფორმაციას მათი ფუნქციონირების შესახებ. უნდა მოხდეს წესების გათვალისწინება და პროცესების გამჭირვალობისა და მარტივად აღქმადობის უზრუნველყოფა. გარდა ამისა, მიბმის გაუქმების რისკის შემცირება შესაძლებელია სტეიბლკოინის ღირებულების კონტროლთან დაკავშირებული წესების გათვალისწინებით და ბაზარზე განხორციელებული ნებისმიერი ცვლილებისთვის თვალის დევნებით.
მიბმის გაუქმების ფენომენი მნიშვნელოვანი გამოწვევაა სტეიბლკოინების სივრცისთვის, თუმცა გამჭირვალობის და მაქსიმალური სიფრთხილის უზრუნველყოფით, შესაძლებელია სტეიბლკოინების პროექტებთან დაკავშირებით საჭირო ნდობის ჩამოყალიბება და კრიპტოვალუტების სტაბილურობის უზრუნველყოფა ყველა მომხმარებლისთვის.
ვალუტა, რომლის ღირებულება მიბმულია სხვა ვალუტის, საქონლის ან ვალუტების კალათის ღირებულებასთან.