PancakeSwap არის დეცენტრალიზებული ბირჟა (DEX), რომელიც 2020 წელს გაშვებულ იქნა BNB Smart Chain-ზე (BSC). თავდაპირველად PancakeSwap-მა პოპულარობა მოიპოვა, როგორც BEP-20 ტოკენების სვოპის პლატფორმამ. თუმცა მოგვიანებით ის გარდაიქმნა რამდენიმე ბლოკჩეინზე გაშვებულ, ტოკენის მრავალი სტანდარტის მხარდაჭერის მქონე დეცენტრალიზებულ ბირჟად.
PancakeSwap იყენებს ავტომატური მარკეტ-მეიკერის (AMM) მოდელს, რომელიც მისი Ethereum-ზე გაშვებული ანალოგების, მაგალითად Uniswap-ის და SushiSwap-ის მიერ გამოყენებული კონცეფციის მსგავსია. ტრადიციული, შეკვეთების წიგნებზე დაფუძნებული ბირჟებისგან განსხვავებით, AMM-ები იყენებს ლიკვიდურობის პულებს, სადაც მომხმარებლები ვაჭრობენ პულებთან და არა სხვა პირებთან.
PancakeSwap V3, რომელიც გაშვებულ იქნა 2023 წლის აპრილში, გვთავაზობს ინოვაციურ ფუნქციებს, როგორიცაა არაჩანაცვლებადი ლიკვიდურობის პოზიციები და პერსონალიზებადი ფასის დიაპაზონები. ის ორიენტირებულია ლიკვიდურობის და ვაჭრობის ეფექტურობის გაზრდაზე და მომხმარებლისთვის უფრო პერსონალიზებული ვაჭრობის გამოცდილების შეთავაზებაზე.
PancakeSwap-ის უმნიშვნელოვანეს მახასიათებელს წარმოადგენს მისი ლიკვიდურობის პულები. მომხმარებლები ამ პულებში განათავსებენ საკუთარ აქტივებს და სანაცვლოდ იღებენ ლიკვიდურობის პროვაიდერის (LP) ტოკენებს. ეს ტოკენები წარმოადგენს ლიკვიდურობის პულის წილებს და მომხმარებლებს საშუალებას აძლევს მიიღოს შემოსავალი გენერირებული სავაჭრო საკომისიოებიდან. ამ პლატფორმის ფუნქციები არ შემოიფარგლება უბრალო ტოკენების სვოპით. ის ასევე გვთავაზობს შემოსავლის ფარმინგის შესაძლებლობებს, სადაც მომხმარებლებს შეუძლიათ თავიანთი LP ტოკენები განათავსონ პლატფორმაზე და გამოიმუშაონ დამატებითი ჯილდოები, მაგალითად CAKE ტოკენები.
PancakeSwap გვთავაზობს ვაჭრობის ინოვაციურ მექანიზმებს, რაც აუმჯობესებს მომხმარებლის გამოცდილებას. Smart Router უზრუნველყოფს ვაჭრობების სხვადასხვა ლიკვიდურობის წყაროებთან დაკავშირებას, რაც ხელს უწყობს ვაჭრობის აღსრულების ოპტიმიზაციას საუკეთესო ფასების მოძიების მეშვეობით. ლიმიტ-შეკვეთები მომხმარებელს საშუალებას აძლევს უკეთ აკონტროლონ საკუთარი ვაჭრობები, რისთვისაც მათ შეუძლიათ მიუთითონ ტოკენის ყიდვის და გაყიდვის სასურველი ფასები.
მარკეტ-მეიკერების ინტეგრაცია Ethereum-ზე და BNB Smart Chain-ზე აუმჯობესებს ვაჭრობის ეფექტურობას. ხდება ვაჭრობების ავტომატურად დაკავშირება მარკეტ-მეიკერებთან, რაც მომხმარებლებს სთავაზობს აღსრულების უკეთეს ფასებს AMM-სთან შედარებით. Zap ფუნქცია ამარტივებს ლიკვიდურობის მიწოდებას, რაც მომხმარებელს საშუალებას აძლევს დაამატონ ან გაიტანონ ლიკვიდურობა ერთი ტოკენის და ერთი დაწკაპუნების მეშვეობით.
PancakeSwap-ის ფუნქციები ცდება ტრადიციულ სავაჭრო აქტივობებს და გვთავაზობს უამრავ აქტივობაში მონაწილეობის შესაძლებლობას. მომხმარებელს შეუძლია ისარგებლოს თამაშების პლატფორმით, მონაწილეობა მიიღოს ლატარიებში და მოძებნოს არაჩანაცვლებადი ტოკენები (NFT-ები). თამაშების მესამე მხარის დეველოპერებთან პარტნიორობით შექმნილი თამაშების პლატფორმა წარმოადგენს PancakeSwap საზოგადოების გასართობ ადგილს.
PancakeSwap-ის ტრანსფორმაცია BSC-ზე დაფუძნებული ტოკენების პლატფორმიდან მრავალ ბლოკჩეინზე გაშვებულ PancakeSwap V3-ის მხარდაჭერის მქონე DEX-ად იმის დემონსტრირებას წარმოადგენს, რომ ის ორიენტირებულია ინოვაციებზე. როგორც მომხმარებელზე ორიენტირებული დეცენტრალიზებული ფინანსების ჰაბი, PancakeSwap რეგულარულად გვთავაზობს ახალ ფუნქციებს და უზრუნველყოფს მრავალფეროვანი და მიმზიდველი DeFi გამოცდილების მოწოდებას.
ავტომატური მარკეტ-მეიკერები (AMM-ები) წარმოადგენს დეცენტრალიზებული ბირჟის (DEX) პროტოკოლების ქვეჯგუფს. ისინ...
შეიტყვეთ მეტი ERC-20, ERC-721, BEP-20 და TRC-20 ტოკენების სტანდარტების შესახებ ბლოკჩეინ ქსელებზე. გაიგეთ მა...