Ang Iyong Gabay sa Binance Earn

TL;DR

Hindi ka ba interesado sa pag-trade pero gusto mo pa ring madagdagan ang iyong mga hawak na crypto? Hindi ba masyadong nakaka-excite ang 0.05% APY na iniaalok ng iyong lokal na bangko sa savings account mo? Siguradong may makikita kang nakakahikayat sa hanay ng mga produkto ng Binance Earn.

Ang Binance Earn ay ang iyong crypto savings account. Dito, makakahanap ka ng maraming iba't ibang pagpipilian para magkaroon ng passive na kita sa iyong mga hawak na crypto.

Panimula

Posibleng nakita mo na ang sikat na quote na ito ng mamumuhunan na si Warren Buffett:

Kung hindi ka makakahanap ng paraan para kumita ng pera habang natutulog ka, magtatrabaho ka hanggang sa mamatay ka.

Ang Binance Earn ay isang kahanga-hangang paraan para madagdagan ang iyong savings habang mahimbing kang natutulog, dahil alam mong ginagawa ng iyong mga pondo ang lahat ng kailangang gawin para sa iyo. May ilang iba't ibang opsyon, na bawat isa ay may sarili nitong mga pagpapalagay tungkol sa iyong profile sa panganib, time horizon, at mga gustong kita.

Gusto mo mang i-stake ang iyong mga Proof of Stake (PoS) coin, ipahiram ang mga pondo mo para sa interes, o ligtas na ideposito ang mga ito sa isang serbisyo ng DeFi sa pamamagitan ng Binance, kami ang bahala sa iyo. Kaya naman, tingnan natin ang maiaalok ng Binance Earn.

Ano ang Binance Earn?

Ang Binance Earn ay isang kumpletong hanay ng mga produktong pampinansyal na magagamit mo para madagdagan ang iyong mga hawak na crypto. Puwede mo itong ituring bilang iyong crypto savings account. Ang pinagkaiba nito at ng regular na savings account, mas marami pang kayang gawin ang crypto!

Talakayin natin ang pangunahing mga kategorya ng Binance Earn para malaman mo kung alin ang pinakanababagay sa iyong istilo sa pamumuhunan.

Flexible Savings

Sa Flexible Savings, puwede kang kumita ng interes sa iyong mga pondo. Madali lang talaga itong gamitin, at hindi na nakakagulat na sa pamamagitan nito, magiging napaka-flexible mo! Magagawa mong ideposito ang iyong mga pondo, kumita ng interes, at i-redeem ang mga ito anumang oras.

Kaya naman, kung mayroon kang kaunting pera sa iyong Spot Wallet, bakit hindi mo iyon ideposito sa isang Flexible Savings account? Dahil puwede mo itong i-access anumang oras, madaling gamitin ang mga pondong iyon para kumita ka habang hindi ginagamit ang mga iyon sa ibang lugar.

Tandaan na hindi makakalkula ang interes sa araw na mag-subscribe ka sa isang produkto ng Flexible Savings. Sa halip, ang unang bayad sa interes ay kakalkulahin mula sa susunod na araw pagkatapos ng iyong subskripsyon.

Locked Savings

Nag-aalok sa iyo ang Locked Savings ng mas malalaking kita pero hindi ito masyadong flexible pagdating sa pag-access sa mga pondo mo. Ang pinagkaiba rito, magtatakda ka ng paunang tinukoy na tagal para kumita ng interes ang iyong mga pondo. Bakit ito mas maganda? Sa pangkalahatan, magbibigay ito sa iyo ng mas matataas na rate ng interes kaysa sa mga produkto ng Flexible Savings dahil parehong hindi nakatakda ang term at rate ng interes.

Puwedeng 7 hanggang 90 araw ang mga produkto ng Locked Savings. Kaya naman, kung alam mong hindi ka mangangailangan ng ilang pondo sa ibang lugar sa loob ng isang partikular na tagal ng panahon, puwede mong i-lock ang mga iyon para makakuha ka ng mas mataas na APY.

Mga Aktibidad

Ang Mga Aktibidad ay mga espesyal na event na lumalabas paminsan-minsan sa ilalim ng tab na Mga Aktibidad. Karaniwang limitado ang supply ng mga ito, ibig sabihin, kailangan mong bilisan ang pag-subscribe. Makakapag-alok ang mga ito ng mas matataas na kita kumpara sa karaniwang naibibigay ng Naka-fix na Savings.

Bukod pa roon, masasabi namin na halos kapareho ng mga produktong ito sa pagpapahiram ang Naka-fix na Savings. Pero dahil paminsan-minsan lang available ang mga ito, puwede kang makakuha ng mas matataas na reward kung makakasabay ka sa nangyayari. Siguraduhing subaybayan ang mga anunsyo para ma-secure ang iyong puwesto!

Locked Staking

Sa pamamagitan lang ng pagkakaroon ng mga Proof of Stake coin sa iyong Spot Wallet, puwede kang makakuha ng mga reward sa pag-stake sa mga hawak mo – mahusay at simple. Gayunpaman, may paraan din para makakuha ng mas matataas na reward sa pag-stake.

Kung ilalaan mo ang iyong mga PoS coin para ma-lock sa loob ng mga panahong mula 7 hanggang 90 araw, puwede kang makakuha ng mas mataas na reward. Kapareho ito ng Flexible vs. Locked Savings, pero dito, mayroong pag-stake.

Bilang karagdagan, papayagan ka rin ng ilang coin na gamitin ang Flexible Lock, kung saan ilalaan mo ang iyong mga pondo para sa pag-stake, pero mayroon ka pa ring kakayahang mag-withdraw kung gusto mo.

Launchpool

Ngayon, malamang na nabalitaan mo na ang Binance Launchpad, 'no? Isa itong platform para sa paglulunsad ng token kung saan puwedeng mapondohan ng user base ng Binance ang mga may potensyal na proyekto sa pamamagitan ng prosesong tinatawag na Initial Exchange Offering (IEO). Malamang na nabalitaan mo na rin ang pag-farm ng yield o pagmimina ng liquidity, kung saan nagla-lock ang mga user ng mga pondo sa mga liquidity pool para “magmina” ng bagong token.

Kaya ano ang makukuha mo kapag pinagsama mo ang IEO at pag-farm ng yield? Launchpool. Puwede mong i-lock ang iyong BNB, BUSD, at iba pang mga cryptocurrency para makakuha ng isang bahagi ng isang bagong token na ilulunsad sa Binance. Minsan, ang mga token ay ilulunsad din nang sabay sa Launchpad at Launchpool.

Ang Launchpool ay isang napakahusay na paraan para magkaroon ng kaunting passive na kita, dahil ang bayad lang sa pagkuha ng mga bagong token ang gagastusin mo sa pag-lock ng iyong mga token. Gayunpaman, puwede mong i-redeem ang mga iyon anumang oras sa panahon ng event.

➟ Gustong magsimula sa cryptocurrency? Bumili ng BNB sa Binance!

Pamamahala ng Asset

Nagbibigay sa iyo ang tab na Pamamahala ng Asset ng access sa ilan pang mas advanced na produkto sa savings. Pero huwag kang mag-alala. Madali pa ring gamitin ang mga ito. Tingnan natin kung paano gumagana ang mga ito.

Binance Liquid Swap

Ang Binance Liquid Swap ay isang espesyal na uri ng palitan na nagpepresyo sa mga asset ayon sa isang mathematical formula sa halip na isang order book. Kung nabasa mo na ang aming artikulo sa Uniswap, malalaman mo kung paano gumagana ang ganitong uri ng liquidity protocol. Isa pang mas malalim na termino para dito ay automated market maker (AMM).

Medyo kapareho ng Binance Liquid Swap ang Uniswap at iba pang AMM gaya ng Curve Finance, pero pinapagana ito ng Binance. Isa itong napakasimpleng paraan para mabilis na makapag-convert sa pagitan ng mga asset gaya ng mga stablecoin nang may mababang bayarin at slippage.

Mainam iyon, pero ano ang kaugnayan nito sa savings? Gaya sa Uniswap at iba pang mga AMM, puwede ka ring maging market maker. Magdeposito lang ng isa (o marami) sa mga sinusuportahang stablecoin, at magsimulang kumita ng interes. Walang tiyak na nakakaalam, pero baka maging mas mataas pa ang mga kitang makukuha mo rito kaysa sa kung gumamit ka ng iba pang mga produkto ng Binance Earn.

Dual na Pamumuhunan

Ang Dual na Pamumuhunan ng Binance ay isang mainam na paraan para magkaroon ng dagdag na kita saanmang direksyon pumunta ang presyo. Nagbibigay-daan ito sa iyong mapataas ang yield sa savings mo habang pinapababa ang panganib sa presyo. Paano ito gumagana? Talakayin natin nang mabilis.

Nagdeposito ka ng isang cryptocurrency at kumita batay sa dalawang asset. Inilaan mo ang iyong mga hawak, ini-lock sa isang yield, pero kumita nang higit sa kung tumaas ang halaga ng iyong mga hawak sa panahong naka-lock ang mga ito.

Sa madaling salita, isa itong paraan para makontrol ang iyong panganib. Kung gusto mong magbasa pa tungkol dito, tingnan ang Isang Mabilis na Gabay sa Dual na Pamumuhunan ng Binance.

BNB Vault

Ang BNB Vault ay isang BNB yield aggregator kung saan pinagsasama-sama ang Savings, BNB DeFi Staking, at Launchpool para maibigay sa iyo ang pinakamatataas na APY na kita. Napakadaling magsimulang kumita sa BNB Vault.

Pagkatapos i-stake ang iyong BNB, makakatanggap ka ng mga asset sa BNB Vault. Magsisimulang makalkula ang interes sa pangalawang araw at magbibigay ng mga reward sa iyong account araw-araw.

Puwede mong i-redeem ang iyong mga pondo anumang oras sa dalawang paraan: mabilis na pag-redeem at karaniwang pag-redeem. Sa mabilis na pag-redeem, mare-redeem mo ang iyong BNB sa araw kung kailan mo ginawa ang kahilingan, pero mawawala sa iyo ang interes na naipon sa araw na iyon. Sa karaniwang pag-redeem, ibabalik ang iyong mga pondo kinabukasan, pero magiging kwalipikado ka pa rin sa interes na naipon sa araw na iyon.

Mga pangwakas na pananaw

Naku, ang daming opsyon nito para magkaroon ng passive na kita! Hindi pa naging ganito kadaling kumita sa iyong savings sa Binance, at posibleng ring maging maganda ang mga kita. Sa Binance Earn, mapipili mo ang produktong pinakaangkop sa iyong istilo sa pamumuhunan, para makapag-relax ka at hayaan mong kumita ang iyong mga pondo.