Ano Ang Stablecoins?
Ano Ang Stablecoins?
HomeMga Artikulo

Ano Ang Stablecoins?

Baguhan
Published Mar 6, 2020Updated Apr 29, 2021
6m

Ano ang stablecoin?

Ang mga stablecoin ay digital asset na dinisenyo para gayahin ang halaga ng fiat currencies tulad ng dollar o euro. Binibigyan-daan ng mga ito ang mga user para mura at mabilis na makapaglipat ng halaga saanman sa mundo, habang pinapanatili ang katatagan ng presyo.
Ang mga cryptocurrency tulad ng Bitcoin at Ethereum ay kilala sa kanilang volatility kapag itinapat ang presyo sa fiat. Inaasahan ito dahil bago pa lamang ang teknolohiyang blockchain at maliit lamang ang cryptocurrency markets. Nakapupukaw ng interes na ang halaga ng cryptocurrency ay hindi nakapako sa anumang asset, ngunit maaaring masyadong maabala pagdating sa paggamit nito. 

Bilang medium of exchange, mahusay ang mga cryptocurrency sa teknolohikal na pananaw. Ganunpaman, ang pagbabago sa kanilang halaga ang dahilan kung bakit sila nagiging masyadong mapanganib bilang investment, at hindi mainam bilang pambayad. Sa oras na makumpleto ang transaksyon, maaaring masyado nang tumaas o bumaba ang halaga ng mga coin kumpara sa kung ano ito noong ipinadala.

Walang ganitong problema ang stablecoins. Hindi kapansin-pansin ang paggalaw sa presyo ng mga ito at masusing nasusubaybayan ang halaga ng pinagbabatayang asset o fiat currency na kanilang ginagaya. Dahil dito, nagsisilbi sila bilang maasahang mga asset sa gitna ng pabago-bagong merkado.

May ilang mga paraan kung paano napapanatili ng stablecoin ang kanyang katatagan. Sa artikulong ito, tatalakayin natin ang ilan sa mga mekanismong ginagamit nito, ang mga benepisyo, at kahinaan ng mga ito.


Paano nagagamit ang stablecoins?

May ilang mga kategorya ng stablecoins, ang bawat isa ay nakapako sa kanilang mga unit sa magkakaibang mga paraan. Ang mga sumusunod ay ilan sa mga pinakakaraniwang uri ng stablecoin.


Fiat-backed stablecoins

Ito ang pinakakilalang uri ng stablecoin na direktang sinusuportahan ng fiat currency sa 1:1 na ratio. Tinatawag din natin ang mga itong fiat-collateralized stablecoins. Ang central issuer (o bangko) ang naghahawak ng bilang ng fiat currency sa reserve at naglalabas ng katumbas na bilang ng tokens. 

Halimbawa, ang issuer ay maaaring maghawak ng one million dollars, at magpapakalat ng one million tokens na may isang dolyar na halaga bawat isa. Malaya ang mga trader na i-trade ang mga ito tulad ng ginagawa sa tokens o cryptocurrencies, at sa anumang oras, maaari itong kunin ng mga may-hawak sa katumbas na halaga sa USD.

May malinaw na mataas na antas ng counterparty na panganib dito na maaaring maagapan: higit sa lahat, dapat pagkatiwalaan ang issuer. Walang paraan para tiyak na matukoy ng user kung ang issuer ay may hawak na pondo sa reserve. Pinakamaganda kung ang kompanyang naglalabas ay may tangkang maging transparent hanggat maaari pagdating sa pag-ulat ng mga audit, ngunit ang sistema ay malayo sa pagiging trustless.
May alok ang Binance na dalawang fiat-backed na stable coins – BUSD na pinapanatiling nakapako sa US dollar, at BGBP na nakasunod sa British pound.





Pinag-iisipang magsimula sa stablecoins? Bumili ng BUSD sa Binance!



Crypto-backed stablecoins

Ginagaya ng crypto-backed stablecoins ang kanilang mga fiat-backed na counterpart, kung saan ang pangunahing pagkakaiba ay ginagamit ang cryptocurrency bilang collateral. Ngunit dahil digital ang cryptocurrency, hawak ng mga smart contract ang paglabas ng mga unit. 
Mas mababa ang kinakailangang tiwala sa crypto-backed stablecoins, ngunit dapat tandaan na ang monetary policy ay tinutukoy ng mga botante bilang bahagi ng kanilang sistema sa pamamahala. Ibig sabihin nito ay wala kang pinagkakatiwalaang iisang issuer, ngunit naniniwala ka na ang lahat ng mga kalahok sa network ay laging kumikilos para sa ikabubuti ng mga user.

Para makakuha ng ganitong uri ng stablecoin, itinatago ng mga user ang kanilang cryptocurrency sa isang contract na siyang naglalabas ng token. Para naman mabawi ang kanilang collateral, magbabayad sila ng stablecoins sa parehong contract (kasama ang anumang interes). 

Ang partikular na mekanismong nagdidikta ng pagkakapako ay magkakaiba base sa disenyo ng bawat sistema. Makatuwirang sabihin na ang magkahalong game theory at on-chain algorithms ay nagbibigay ng insentibo sa mga kalahok para mapanatiling matatag ang presyo.


Algorithmic na stablecoins

Ang mga algorithmic stablecoin ay hindi sinusuportahan ng fiat o cryptocurrency. Sa halip, ang pagkakapako nila ay nakakamit gamit ang algorithms at smart contracts na nangangasiwa sa supply ng tokens na inilabas. Pagdating sa mga tungkulin, malapit na ginagaya ng kanilang monetary policy ang gamit ng mga central bank sa pangangasiwa ng national currencies. 
Sa madaling sabi, pinapababa ng algorithmic stable coin na sistema ang supply ng token kapag ang presyo ay naging mas bababa sa sinusundan nitong fiat currency. Kapag ang presyo ay humigit sa halaga ng fiat currency, may mga bagong token na pinapasok sa sirkulasyon para mapababa ang halaga ng stablecoin.
Maaaring naririnig mo ang kategoryang ito na tinatawag bilang non-collateralized stablecoins. Sa teknikal na pananaw, mali ito dahil sila ang collateralized – bagamat hindi sa paraang pareho sa unang nabanggit na dalawang kategorya. Sa kaso ng black swan event, ang mga algorithmic na stablecoin ay maaaring magkaroon ng pool ng collateral para pangasiwaan ang mga masyadong pabago-bagong paggalaw sa merkado.


Mga use case ng stablecoins

Sa ngayon, ang collateralized stablecoins ang pinaka karaniwang ginagamit. Kabilang sa mga halimbawa ng mga coin na ito ay USD Tether (USDT), True USD (TUSD), Paxos Standard (PAX), USD Coin (USDC), at Binance USD (BUSD). Ganunpaman, may mga pagkakataon ding ang dalawang unang nabanggit na kategoryang ay makikita sa merkado. Ang Bitshares USD at DAI ay mga crypto-collateralized na coins, habang ang Carbon at Basis (na wala na ngayon) ay mga halimbawa ng algorithmic na uri.

Hindi natatapos dito ang listahan. Malawak ang merkado para sa matatag na digital currencies, isang bagay na makikita sa pagdami ng daan-daang stablecoin na proyekto.

Para sa mas malalim na pagtalakay sa stablecoins, tiyaking basahin ang ulat ng Binance Research: Ang Ebolusyon ng Stablecoins.


Mga kalakasan at kahinaan ng stablecoins

Ang pangunahing kalakasan ng stablecoins ay ang kanilang potensyal na magbigay ng medium of exchange na nababagay sa cryptocurrencies. Dahil sa mataas ba lebel ng volatility, hindi pa nakakamit ng cryptocurrencies ang malawakang paggamit sa araw-araw na transaksyon tulad ng pagproseso ng bayad. Sa pamamagitan ng pagkakaroon ng mataas na antas ng katatagan at pagiging madaling hulaan, nilulutas ng mga matatag na currency ang ganitong mga kasalukuyang problema.
Sa pag-akto bilang proteksyon laban sa volatility, maaari ring magkaroon ng papel ang stablecoins sa pagpasok ng cryptocurrencies sa mga tradisyunal na financial market. Ang dalawang merkadong ito ay umiiral bilang magkahiwalay na mundo na may limitadong interaksyon. Dahil mayroon namang mas matatag na uri ng digital currency, malabo pang makitang malawakang ginagamit ang cryptocurrencies sa mga loan at credit market kung saan hanggang ngayon ay ekslusibong nangingibabaw ang fiat currencies na inilabas ng gobyerno.
Dagdag sa pagiging kapaki-pakinabang nila sa mga pinansyal na transaksyon, nagagamit ng mga trader at investor ang mga stablecoin para sa hedging ng kanilang mga portfolio. Ang alokasyon ng partikular na bahagi ng portfolio sa stabilized coins ay isang epektibong paraan para mapababa ang pangkalahatang panganib. Ganun din, ang pagpapanatili ng store of value na maaaring magamit para bumili ng ibang cryptocurrencies kapag bumaba ang presyo ay isa ring epektibong istratehiya. Ang mga coin na ito ay magagamit din para “i-lock in” ang kita mula sa pagtaas ng presyo, nang hindi ito inilalabas bilang cash. 
Sa kabila ng kanilang potensyal para suportahan ang malawakang paggamit ng cryptocurrency, may mga limitasyon pa rin ang stablecoins. Ang may fiat-collateralized na uri ay mas hindi decentralized kaysa sa mga ordinaryong cryptocurrency, dahil kinakailangan ng central na ahensya para maghawak ng mga sumusuportang asset. Pagdating naman sa crypto-collateralized at uncollateralized coins, dapat pagkatiwalaan ng mga user ang mas malawak na komunidad (at ang source code) para tiyakin ang kahabaan ng buhay ng sistema. Bago pa ang mga teknolohiyang ito, kaya kinakailangan ng oras para sila ay mahinog.


Pangwakas na ideya

Bagamat may mga kahinaan, mahalagang bahagi ng cryptocurrency markets ang stablecoins. Sa pamamagitan ng iba’t ibang mga mekanismo, ang mga digital currency na ito ay humigit-kumulang na nagiging matatag sa itinakdang mga presyo. Dahil dito, nagiging maaasahan ang mga ito hindi lang bilang medium of exchange, kundi maging ligtas na takbuhan ng mga trader at investor. 

Bagamat unang dinisenyo para bigyan ang mga trader ng epektibong kasangkapan sa pangangasiwa ng panganib, malinaw na hindi lang sa trading nagagagamit ang stablecoins. Makapangyarihang kasangkapan ang mga ito na maaaring magpalakas sa mundo ng cryptocurrency sa kabuuan, at nagsisilbi sa sa maraming mga use case kung saan hindi mainam ang mga pabago-bagong alternatibo.