Trezor Model T – Mga Review ng Hardware Wallet ng 2022

Mga Nilalaman

Mga detalye ng Trezor Model T
Ano ang nasa kahon?
Pangkalahatang-ideya ng Trezor Model T
Mga bentahe at kahinaan ng Trezor Model T
- Mga Bentahe
- Mga Kahinaan
Presyo ng Trezor Model T
Mga pangwakas na pananaw

Mga detalye ng Trezor Model T

Mga Dimensyon (cm)	6.4 x 3.9 x 1.0
Timbang	22 g
Screen	RGB LCD (240 x 240 pixels)
Input	Touchscreen
Koneksyon	Wired (USB-C)
Pinapagana ng baterya?	Hindi
Compatibility	Android, Linux, Windows 8+, macOS 10.11+
Mga sinusuportahang coin at token	1000+
GitHub	https://github.com/trezor/trezor-firmware

Ano ang nasa kahon?

Trezor Model T device
Magnetic dock kung saan ididikit ang Trezor
Manual para sa pagsisimula
Recovery sheet
USB-A to USB-C cable
Mga Sticker

Pangkalahatang-ideya ng Trezor Model T

Sa mga user ng Trezor One, parehong magiging pamilyar at iba ang Model T. Kapansin-pansing mas malaki ang Model T kaysa sa nakaraang modelo, pero maliit pa rin ito at kasyang-kaysa sa palad mo.

Ang pinakamalaking pagkakaiba ay ang bagong screen, na may makulay na touch display na pumalit sa monochrome screen at dalawang button ng nauna sa Model T. Naglagay rin ng suporta para sa mga SD card, bagama't wala pa itong gamit.

Sa ngayon, kinakailangan pa rin ang tradisyonal na backup na seed phrase. Ang device ay random na bubuo ng 12 salita, na dapat isulat at itabi sa ligtas na lugar. Kapag pumalya ang Trezor, magagamit ang mga ito para i-access ang mga pondo ng user. Tandaan na hindi mare-recover ang mga coin nang walang backup.

Gumagana ang Trezor Model T gamit ang open-source na firmware na sumusuporta sa libo-libong coin at token. Mapapamahalaan ng mga user ang mga pondo sa pamamagitan ng web portal ng kumpanya, o sa pamamagitan ng mga desktop o mobile app mula sa third party. Para sa mga may gusto ng mga karagdagang feature (ibig sabihin, mga maraming pirmang transaksyon sa Bitcoin), nagbibigay ang mga sikat na wallet gaya ng Electrum ng functionality na hindi available sa portal ng Trezor.

Para sa mga gumagamit ng two-factor authentication, magagamit din ang device bilang dagdag na layer ng seguridad para sa mga pag-log in gamit ang pamantayan ng U2F. Dagdag pa rito, gumagana rin ito bilang password manager.

Gustong magsimula sa cryptocurrency? Bumili ng Bitcoin sa Binance!

Mga bentahe at kahinaan ng Trezor Model T

Mga Bentahe

Magagamit ito sa maraming iba't ibang platform at application
Sumusuporta sa maraming indibidwal na blockchain at maraming iba't ibang token
Open-source na firmware
Maliit na form factor

Mga Kahinaan

Dahil sa presyo, isa ito sa mga mas mahal na device sa merkado
Posibleng mahirap mag-type sa screen
Walang gamit ang SD card slot noong isinulat ito

Presyo ng Trezor Model T

Mula noong isinulat ito noong Pebrero 2020, $169.99 ang presyo ng Trezor Model T.

Para makasiguro sa integridad ng isang hardware device, dapat lang itong i-order mula sa manufacturer o mga opisyal na reseller. Siguraduhing hindi napakialamanan ang packaging bago ito gamitin.

Mga pangwakas na pananaw

Sinusundan ng Trezor Model T ang yabag ng nauna rito. Noong 2018, nagdagdag ang SatoshiLabs sa imbentaryo nito ng hardware wallet na nagpapahusay sa marami sa mga feature ng Trezor One. Sa color touchscreen, SD card slot, at suporta sa libo-libong coin, ibinibigay ng Model T ang marami sa mga feature na aasahan ng isang tao sa isang modernong crypto hardware wallet.

Para sa mga ayos lang na gumastos nang dagdag, nagbibigay ang Trezor Model T ng mas tuloy-tuloy na karanasan ng user kaysa sa mga minimalist na alternatibo.