Komprehensibong Gabay ng Pag-trade sa Binance Futures
Talaan ng Nilalaman
Paano magbukas ng account sa Binance Futures
Paano pondohan ang iyong account sa Binance Futures
Gabay sa interface ng Binance Futures
Paano i-adjust ang iyong leverage
Ano ang pinagkaiba ng Mark Price at Last Price?
Anong uri ng mga order ang available at kailan gagamitin ang mga ito?
Paano gamitin ang Binance Futures calculator
Paano gamitin ang Hedge Mode
Ano ang Rate ng Pagpopondo at paano ito tingnan?
Ano ang Post-Only, Time in Force, at Reduce-Only?
Kailan nasa panganib na ma-liquidate ang iyong mga posisyon?
Ano ang auto-deleveraging at paano ka nito maaapektuhan?
Mga pangwakas na pananaw
Komprehensibong Gabay ng Pag-trade sa Binance Futures
HomeMga Artikulo
Komprehensibong Gabay ng Pag-trade sa Binance Futures

Komprehensibong Gabay ng Pag-trade sa Binance Futures

Baguhan
Na-publish Nov 5, 2019Na-update Aug 21, 2022
15m

Mga Nilalaman


Paano magbukas ng account sa Binance Futures

Bago magbukas ng account sa Binance Futures, kailangan mo ng regular na account sa Binance. Kung wala ka nito, puwede kang pumunta sa Binance at mag-click sa Magrehistro sa kanang sulok sa itaas ng iyong screen. Pagkatapos, sundin ang mga hakbang na ito:
  1. Ilagay ang iyong email address at gumawa ng ligtas na password. Kung may referral ID ka, i-paste ito sa kahon ng referral ID. Kung wala ka nito, puwede mong gamitin ang aming link ng referral para makakuha ka ng 10% diskwento sa bayarin sa spot/margin trading.
  2. Kapag handa ka na, i-click ang Gumawa ng account.
  3. Makakatanggap ka agad ng verification email. Sundan ang mga tagubilin sa email para makumpleto ang pagrehistro.
Susunod, mag-log in sa iyong account sa Binance, ilipat ang iyong mouse sa bar sa itaas ng page, at mag-click sa USD(S)-M Futures.


Pindutin ang button na Magbukas ngayon para i-activate ang iyong account sa Binance Futures. Hayan! Handa ka nang mag-trade!

Kung hindi ka pamilyar sa pag-trade ng mga futures contract, inirerekomenda naming basahin mo ang mga artikulong Ano ang Mga Forward at Futures Contract?, at Ano ang Mga Perpetual Futures Contract? bago ka magsimula.
Puwede ka ring sumangguni sa FAQ ng Binance Futures para magkaroon ka ng pangkalahatang-ideya tungkol sa mga detalye ng kontrata. 
Kung gusto mong subukan ang platform nang hindi sumusugal ng mga totoong pondo, puwede mong subukan ang testnet ng Binance Futures


Paano pondohan ang iyong account sa Binance Futures

Puwede kang magpalipat-lipat ng mga pondo sa pagitan ng iyong Exchange Wallet (ang wallet na ginagamit mo sa Binance) at ng iyong Futures Wallet (ang wallet na ginagamit mo sa Binance Futures).
Kung wala kang anumang pondong idineposito sa Binance, inirerekomenda naming basahin mo ang Paano Magdeposito sa Binance.

Para maglipat ng mga pondo sa iyong Futures Wallet, mag-click sa Maglipat sa kanang bahagi ng page ng Binance Futures.


Itakda ang halagang gusto mong ilipat at mag-click sa Kumpirmahin ang paglilipat. Dapat mong makita ang balanseng naidagdag sa iyong Futures Wallet sa loob ng ilang sandali. Puwede mong baguhin ang direksyon ng paglilipat gamit ang icon na dobleng arrow gaya ng nakikita sa ibaba.

Hindi lang ito ang paraan para mapondohan ang iyong Futures Wallet. Puwede ka ring gumamit ng mga pondo sa iyong Exchange Wallet bilang collateral at manghiram ng USDT para sa futures trading mula sa iyong page na Mga Balanse sa Futures Wallet. Sa ganitong paraan, hindi mo kailangang maglipat ng mga pondo nang direkta sa iyong Futures Wallet. Siyempre, kakailanganin mong bayaran ang hiniram mong USDT.


Gabay sa interface ng Binance Futures


1. Sa bahaging ito, makakakita ka ng mga link sa iba pang page ng Binance, gaya ng COIN-M Futures (mga quarterly contract), Access sa API, Spot, at Mga Aktibidad. Sa tab na [Impormasyon], makakakita ka ng mga link sa FAQ ng Futures, rate ng pagpopondo, index price, at iba pang data ng merkado.

Sa kanang bahagi ng bar sa itaas, maa-access mo ang iyong account sa Binance, kasama na ang Dashboard mo. Madali mong matitingnan ang mga balanse sa iyong wallet at mga order mo sa buong ecosystem ng Binance.


2. Dito mo magagawang:
  • Pumili ng contract sa pamamagitan ng pagtapat ng cursor sa kasalukuyang pangalan ng contract (BTCUSDT ang unang itinakda).
  • I-check ang Mark Price (mahalagang subaybayan ito dahil nangyayari ang mga liquidation base sa Mark Price).
  • I-check ang inaasahang Rate ng Pagpopondo at ang bilang ng nalalabing oras hanggang sa susunod na round ng pagpopondo.
  • Tingnan ang kasalukuyan mong chart. Puwede kang magpalipat-lipat sa Orihinal o sa integrated na TradingView chart. Magkakaroon ka ng real-time na display ng kasalukuyang lalim ng order book sa pamamagitan ng pag-click sa [Lalim].
  • Tingnan ang live na data ng order book. Puwede mong isaayos ang katumpakan ng order book sa dropdown na menu sa kanang sulok sa itaas ng bahaging ito (0.01 bilang default).
  • Tingnan ang live feed ng mga nakaraang naipatupad na trade sa platform.

Tuwing may makikita kang arrow sa kanang ibabang sulok ng module, nangangahulugan ito na puwede mong galawin at baguhin ang sukat ng element na iyon. Sa ganitong paraan, madali kang makakagawa ng sarili mong custom na layout ng interface!


3. Dito mo masusubaybayan ang sarili mong aktibidad sa pag-trade. Puwede kang magpalipat-lipat sa mga tab para tingnan ang kasalukuyang status ng mga posisyon mo at ang iyong mga kasalukuyang bukas at dating ipinatupad na order. Puwede ka ring makakuha ng kumpletong kasaysayan ng pag-trade at transaksyon para sa isang partikular na panahon.
Dito mo rin masusubaybayan ang iyong mga posisyon sa pila ng auto-deleverage sa ilalim ng ADL (mahalagang bigyang-pansin sa mga panahong mataas ang volatility).


4. Dito mo magagawang tingnan ang iyong mga available na asset, magdeposito, at bumili ng higit pang crypto. Dito mo rin matitingnan ang impormasyon tungkol sa kasalukuyang kontrata at mga posisyon mo. Tiyaking bantayan ang Ratio ng Margin para maiwasan ang mga liquidation. 

Sa pamamagitan ng pag-click sa Maglipat, puwede kang maglipat ng mga pondo sa pagitan ng iyong Futures Wallet at sa ibang nasa ecosystem ng Binance.


5. Ito ang iyong field para sa paglalagay ng order. Tingnan ang aming detalyadong paliwanag ng mga available na uri ng order sa ibaba pa ng artikulong ito. Dito ka rin makakapagpalipat-lipat sa Cross Margin at Isolated Margin. I-adjust ang iyong leverage sa pamamagitan ng pag-click sa kasalukuyang halaga ng leverage mo (20x bilang default).


Paano i-adjust ang iyong leverage

Pinapahintulutan ka ng Binance Futures na manu-manong i-adjust ang iyong leverage sa bawat contract. Para pumili ng contract, pumunta sa kanang itaas na bahagi ng page at itapat ang cursor sa kasalukuyang contract (BTCUSDT bilang default) 

Para i-adjust ang leverage, pumunta sa field para sa paglalagay ng order at mag-click sa kasalukuyang halaga ng iyong leverage (20x bilang default). Tukuyin ang halaga ng leverage sa pamamagitan ng pag-adjust ng slider, o sa pamamagitan ng pag-type nito, at mag-click sa [Kumpirmahin].

Mahalagang tandaan na kapag mas malaki ang posisyon, mas maliit ang halaga ng leverage na puwede mong gamitin. Gayundin, kapag mas maliit ang posisyon, mas malaki ang leverage na puwede mong gamitin.

Tandaan na may dalang mas malaking panganib ng liquidation ang paggamit ng mas malaking leverage. Ang mga baguhang trader ay dapat maging maingat sa pagsasaalang-alang ng halaga ng leverage na gagamitin nila. 


Ano ang pinagkaiba ng Mark Price at Last Price?

Para maiwasan ang mga biglaang pagtaas at hindi kinakailangang liquidation sa mga panahong mataas ang volatility, gumagamit ang Binance Futures ng Last Price at Mark Price.

Madaling intindihin ang Last Price. Ang ibig sabihin nito ay ang huling presyo kung saan nai-trade ang contract. Sa ibang salita, ang huling trade sa kasaysayan ng pag-trade ang tumutukoy sa Last Price. Ito ang ginagamit sa pagkalkula ng iyong realized PnL (Profit and Loss o Kita at Pagkalugi).

Idinisenyo ang Mark Price para maiwasan ang manipulasyon ng presyo. Kinakalkula ito gamit ang isang kumbinasyon ng data ng pagpopondo at isang basket ng data ng presyo mula sa iba't ibang spot exchange. Kinakalkula ang mga liquidation price at unrealized PnL batay sa Mark Price.

Tandaan na puwedeng magkaiba ang Mark Price at Last Price. 

Kapag nagtakda ka ng uri ng order na gumagamit ng stop price bilang trigger, puwede mong piliin kung aling presyo ang gusto mong gamitin bilang trigger - ang Last Price o ang Mark Price. Para magawa ito, piliin ang presyong gusto mong gamitin sa dropdown na menu ng Trigger sa ibaba ng field para sa paglalagay ng order.


Anong uri ng mga order ang available at kailan gagamitin ang mga ito?

Maraming uri ng order ang puwede mong gamitin sa Binance Futures:


Limit Order

Ang limit order ay isang order na ilalagay mo sa order book na may partikular na limit price. Kapag naglagay ka ng limit order, ipapatupad lang ang order kung aabot ang market price sa iyong limit price (o mas mataas pa). Samakatuwid, puwede kang gumamit ng mga limit order para bumili sa mas mababang presyo o magbenta sa mas mataas na presyo kaysa sa kasalukuyang market price.


Market Order

Ang market order ay isang order para bumili o magbenta sa pinakamagandang available na kasalukuyang presyo. Ipinapatupad ito laban sa mga limit order na dating inilagay sa order book. Kapag naglalagay ka ng market order, may mga bayarin ka bilang taker sa merkado.


Stop Limit Order

Ang pinakamadaling paraan para maunawaan ang stop-limit order ay hatiin ito sa stop price, at limit price. Ang stop price ay ang presyong nagti-trigger sa limit order, at ang limit price ay ang presyo ng na-trigger na limit order. Ibig sabihin nito, kapag naabot na ang iyong stop price, ilalagay agad sa order book ang iyong limit order.

Bagama't puwedeng pareho ang stop at limit price, hindi ito kinakailangan. Sa katunayan, magiging mas ligtas para sa iyo na itakda ang stop price (trigger price) nang mas mataas nang kaunti sa limit price para sa mga sell order, o mas mababa kaysa sa limit price para sa mga buy order. Pinapataas nito ang tsansang mapunan ang iyong limit order pagkatapos maabot ang stop price.


Stop Market Order

Katulad ng stop-limit order, gumagamit ang stop market order ng stop price bilang trigger. Gayunpaman, kapag naabot ang stop price, market order ang mati-trigger nito.


Take-Profit-Limit na Order

Kung nauunawaan mo kung ano ang stop-limit order, madali mong mauunawaan kung ano ang take-profit limit order. Katulad ng stop-limit order, may kinalaman dito ang trigger price, ang presyong nagti-trigger sa order, at ang limit price, ang presyo ng limit order na idaragdag sa order book. Ang pangunahing pinagkaiba ng stop-limit order at take profit limit order ay magagamit lang ang take profit limit order para mabawasan ang mga bukas na posisyon. 

Ang take profit limit order ay puwedeng maging kapaki-pakinabang na tool para mapamahalaan ang panganib at ma-lock ang kita sa mga partikular na antas ng presyo. Magagamit din ito kasama ng iba pang uri ng order, gaya ng mga stop-limit order, na magbibigay-daan sa iyong magkaroon ng dagdag na kontrol sa mga posisyon.

Tandaan na hindi ito ng mga OCO order. Halimbawa, kung maaabot ang iyong stop-limit order habang mayroon ka ring aktibong take profit limit order, mananatiling aktibo ang take profit limit order hangga't hindi mo ito manu-manong kinakansela.
Puwede kang magtakda ng take profit limit order sa ilalim ng Stop Limit option sa field para sa paglalagay ng order.


Take Profit Market Order

Katulad ng take-profit limit order, gumagamit ang take-profit market order ng stop price bilang trigger. Gayunpaman, kapag naabot ang stop price, market order ang mati-trigger nito.
Puwede kang magtakda ng take-profit market order sa ilalim ng Stop Market option sa field para sa paglalagay ng order.


Trailing Stop Order

Nakakatulong sa iyo ang trailing stop order na mag-lock ng mga kita habang nililimitahan ang mga potensyal na pagkalugi sa iyong mga bukas na posisyon. Para sa long na posisyon, ang ibig sabihin nito ay tataas ang trailing stop kasama ng presyo kung tataas ang presyo. Gayunpaman, kung bababa ang presyo, hihinto sa paggalaw ang trailing stop. Kung gagalaw ang presyo ayon sa isang partikular na porsyento (tinatawag na Callback Rate) sa kabilang direksyon, mag-iisyu ng sell order. Ganito rin ang sitwasyon para sa short na posisyon, pero kabaliktaran. Bababa ang trailing stop kasabay ng merkado pero hihinto ito sa paggalaw kung magsisimulang tumaas ang merkado. Kung gagalaw ang presyo ayon sa isang partikular na porsyento sa kabilang direksyon, mag-iisyu ng buy order.

Ang Activation Price ay ang presyong nagti-trigger sa trailing stop order. Kung hindi mo tutukuyin ang Activation Price, magde-default ito sa kasalukuyang Last Price o Mark Price. Puwede mong itakda kung aling presyo ang dapat nitong gamitin bilang trigger sa ibaba ng field para sa paglalagay ng order. 

Ang Callback Rate ang tumutukoy sa halaga ng porsyento kung saan “susundan” ng trailing stop ang presyo. Kaya kung itatakda mo ang Callback Rate sa 1%, patuloy na susundan ng trailing stop ang presyo mula sa 1% layo kung papunta ang trade sa direksyon mo. Kung gagalaw ang presyo nang lampas 1% sa kabilang direksyon ng iyong trade, mag-iisyu ng buy o sell order (depende sa direksyon ng trade mo).


Paano gamitin ang Binance Futures calculator

May tutorial na video rito.

Makikita ang calculator sa itaas ng field para sa paglalagay ng order. Pinahihintulutan ka nitong kalkulahin ang mga value bago pumasok sa long o short na posisyon. Puwede mong i-adjust ang leverage slider sa bawat tab para gamitin ito bilang basehan ng iyong mga kalkulasyon.

May tatlong tab ang calculator:

  • PNL – Gamitin ang tab na ito para kalkulahin ang iyong Inisyal na Margin, Kita at Pagkalugi (Profit and Loss o PnL), at Return on Equity (ROE) batay sa nakalaang entry at exit price, at laki ng posisyon.
  • Target Price – Gamitin ang tab na ito para kalkulahin kung sa anong presyo mo kailangang lumabas sa iyong posisyon para makamit ang gustong porsyento ng kita.
  • Presyo ng Liquidation – Gamitin ang tab na ito para kalkulahin ang iyong tinatayang presyo ng liquidation batay sa balanse sa wallet mo, sa iyong nakalaang entry price, at laki ng posisyon. 


Paano gamitin ang Hedge Mode

Sa Hedge Mode, puwede kang sabay na humawak ng mga long at short na posisyon para sa iisang contract. Bakit mo iyon gugustuhing gawin? Sabihin nating bullish ka sa presyo ng Bitcoin sa mas pangmatagalan, kaya mayroon kang bukas na long na posisyon. Gayundin, baka gusto mong kumuha ng mabibilis na short na posisyon sa mas mabababang yugto ng panahon. Sa Hedge Mode, magagawa mo iyon – sa ganitong sitwasyon, hindi makakaapekto sa long na posisyon mo ang iyong mabibilis na short na posisyon.

Ang unang itinatakdang mode ng posisyon ay One-Way Mode. Nangangahulugan ito na hindi ka puwedeng magbukas ng parehong long at short na posisyon nang sabay sa iisang contract. Kapag sinubukan mo itong gawin, kakanselahin ng mga posisyon ang isa’t isa. Kaya, kung gusto mong gamitin ang Hedge Mode, kailangan mo itong gawin nang manu-mano. Ganito mo iyon gagawin.

1. Pumunta sa kanang bahagi sa itaas ng iyong screen at piliin ang [Kagustuhan].

2. Pumunta sa tab na [Mode ng Posisyon] tab piliin ang [Hedge Mode].

Tandaan na kapag wala kang bukas na order o posisyon, hindi mo puwedeng i-adjust ang mode ng iyong posisyon.


Ano ang Rate ng Pagpopondo at paano ito tingnan?

Tinitiyak ng Rate ng Pagpopondo na ang presyo ng isang perpetual futures contract ay nananatiling malapit sa presyo ng pinagbabatayang asset (spot) hangga't posible. Ibig sabihin, nagbabayad sa isa’t isa ang mga trader depende sa kanilang mga bukas na posisyon. Ang nagdidikta kung anong panig ang babayaran ay tinutukoy ng pagkakaiba sa pagitan ng presyo ng perpetual futures at ng spot price.

Kapag positibo ang Rate ng Pagpopondo, ang mga long ang magbabayad sa mga short. Kapag negatibo ang Rate ng Pagpopondo, ang mga short ang magbabayad sa mga long.

Kung gusto mong magbasa pa tungkol sa kung paano gumagana ang prosesong ito, tingnan ang Ano ang Mga Perpetual Futures Contract?.

Ano ang ibig sabihin nito para sa iyo? Depende sa iyong mga bukas na posisyon at sa mga Rate ng Pagpopondo, puwede kang magbayad o makatanggap ng mga bayad sa pagpopondo. Sa Binance Futures, ang mga bayad sa pagpopondo na ito ay binabayaran kada walong oras. Puwede mong tignan ang oras at tinatayang Rate ng Pagpopondo sa susunod na yugto ng pagpopondo sa itaas na bahagi ng page, katabi ng Mark Price.

Kung gusto mong tingnan ang mga dating Rate ng Pagpopondo para sa bawat kontrata, mag-hover sa [Impormasyon] at piliin ang [Kasaysayan ng Rate ng Pagpopondo].


Ano ang Post-Only, Time in Force, at Reduce-Only?

Kapag gumamit ka ng mga limit order, puwede kang magtakda ng mga karagdagang tagubilin kasama ng mga order mo. Sa Binance Futures, puwede itong maging mga tagubilin sa Post-Only o Time in Force (TIF), at tutukoy ang mga ito ng mga karagdagang katangian ng iyong mga limit order. Puwede mong i-access ang mga ito sa ibaba ng field para sa paglalagay ng order.

Ang ibig sabihin ng Post-Only, laging unang idaragdag ang iyong order sa order book at hinding-hindi ito ipapatupad laban sa dati nang order sa order book. Kapaki-pakinabang ito kung bayarin sa maker lang ang gusto mong bayaran.

Binibigyang-daan ka ng mga tagubilin sa TIF na tukuyin kung gaano katagal mananatiling aktibo ang iyong mga order bago ito maipatupad o mag-expire. Puwede kang pumili sa isa sa mga opsyong ito para sa mga tagubilin sa TIF:

  • GTC (Good Till Cancel): Mananatiling aktibo ang order hanggang sa mapunan o makansela ito.
  • IOC (Immediate Or Cancel): Ipapatupad agad ang order (nang buo o bahagya). Kung bahagya lang itong ipapatupad, makakansela ang hindi napunang bahagi ng order.
  • FOK (Fill Or Kill): Dapat mapunan agad nang buo ang order. Kung hindi, hindi talaga ito ipapatupad.

Kapag nasa One-Way Mode ka, ang pagpili sa Reduce-Only ay titiyak na ang mga bagong order na itatakda mo ay pabababain, at hindi patataasin ang iyong mga kasalukuyang bukas na posisyon.


Kailan nasa panganib na ma-liquidate ang iyong mga posisyon?

Nangyayari ang liquidation kapag naging mas mababa ang Balanse sa Margin mo kaysa sa kinakailangang Maintenance Margin. Ang Balanse sa Margin ay ang balanse ng iyong account sa Binance Futures, kasama na ang iyong unrealized PnL (Profit and Loss o Kita at Pagkalugi). Kaya, magbabago ang halaga ng Balanse sa Margin dahil sa iyong mga kita at pagkalugi. Kung ginagamit mo ang Cross Margin mode, ibabahagi ang balanseng ito sa lahat ng iyong posisyon. Kung ginagamit mo ang Isolated Margin mode, puwedeng ilaan ang balanseng ito sa bawat indibidwal na posisyon.

Ang Maintenance Margin ay ang minimum na halagang kailangan mo para mapanatiling bukas ang iyong mga posisyon. Nag-iiba-iba ito ayon sa laki ng iyong mga posisyon. Kailangan ng mas mataas na Maintenance Margin para sa mas malalaking posisyon.

 Puwede mong tingnan ang iyong kasalukuyang Ratio ng Margin sa kanang sulok sa ibaba. Kung aabot sa 100% ang iyong Ratio ng Margin, mali-liquidate ang mga posisyon mo.

Kapag nangyari ang liquidation, makakansela ang lahat ng iyong bukas na order. Mas makakabuti kung nasusubaybayan mo ang lahat ng iyong posisyon para maiwasan ang auto-liquidation, na may kaakibat na karagdagang singil. Kung malapit nang ma-liquidate ang iyong posisyon, mas makakabuting pag-isipan ang manu-manong pagsasara ng iyong mga posisyon kaysa hintayin ang auto-liquidation.


Ano ang auto-deleveraging at paano ka nito maaapektuhan?

Kapag naging mas mababa sa 0 ang laki ng account ng isang trader, gagamitin ang Pondo ng Insurance para sagutin ang mga pagkalugi. Gayunpaman, sa ilang hindi pangkaraniwang volatile na environment ng merkado, baka hindi makayanan ng Pondo ng Insurance ang mga pagkalugi, at kailangang magbawas ng mga bukas na posisyon para masagot ang mga ito. Ibig sabihin nito, sa mga ganitong pagkakataon, puwede ring magkaroon ng panganib na mabawasan ang iyong mga bukas na posisyon.

Ang pagkakasunod-sunod ng mga pagbabawas ng posisyon na ito ay tinutukoy ng isang pila, kung saan ang mga trader na may pinakamataas na kita at may pinakamataas na leverage ay nasa harapan ng pila. Puwede mong tingnan ang iyong kasalukuyang posisyon sa pila sa pamamagitan ng pag-hover sa [ADL] sa [tab na Mga Posisyon].


Mga pangwakas na pananaw

Ang mga futures contract ay mga derivative na nagbibigay sa mga trader ng obligasyong bumili o magbenta ng asset sa hinaharap. Pero hindi tulad ng mga tradisyonal na futures contract, walang petsa ng settlement ang mga perpetual futures contract. Gayunpaman, puwede pa ring maging nakakalito ang mga derivative para sa mga hindi pa sanay na trader, kaya napakahalagang maunawaan kung paano gumagana ang mga kontratang ito bago sumugal ng pera. Gaya ng nabanggit, puwede mong i-access ang testnet ng Binance Futures para subukan ang platform nang hindi sumusugal ng mga totoong pondo.