Paano mag-withdraw ng mga BEP-20 token sa BNB Smart Chain
Talaan ng Nilalaman
Panimula
Ano ang BEP-20? 
Paano mag-withdraw ng mga BEP-20 token
Pag-withdraw ng mga BEP-20 token sa Binance.com
Paano mag-withdraw ng mga BEP-20 token sa BNB Smart Chain
Home
Mga Artikulo
Paano mag-withdraw ng mga BEP-20 token sa BNB Smart Chain

Paano mag-withdraw ng mga BEP-20 token sa BNB Smart Chain

Baguhan
Na-publish Apr 22, 2021Na-update Dec 28, 2022
3m

Panimula

Sa artikulong ito, ipapaliwanag namin kung ano ang pamantayan ng BEP-20 token at ipapakita namin sa iyo kung paano mag-withdraw ng mga BEP-20 token para makatipid sa oras at bayarin, at magbabahagi kami ng listahan ng mga palitan na sumusuporta ng mga direktang pag-withdraw ng BEP-20.


Ano ang BEP-20? 

Ang BEP-20 ay isang pamantayan ng token sa BNB Smart Chain (dating Binance Smart Chain). Pinapalawak ng pamantayan ng BEP-20 ang mga ERC-20 at BEP-2 token, sa pamamagitan ng pagbibigay ng karagdagang functionality na nagbibigay-daan sa iyong ilipat ang iyong mga token sa iba't ibang blockchain.

Gamit ang BEP-20, puwede kang:

  • Gumamit ng magkakatugmang token sa magkakaibang blockchain.

  • Mag-peg ng mga token mula sa ibang mga blockchain at gawing available ang mga ito sa BNB Chain (ibig sabihin, naka-peg na Bitcoin bilang BTCB).

  • Mag-swap ng mga BEP-20 token para sa katumbas na BEP-20 (BNB mula sa BEP-2 papunta sa BEP-20).

  • Mababa lang na bayarin sa transaksyon ang sisingilin sa iyo at makakakuha ng oras ng block na 3 segundo.

  • Para sa mas detalyadong gabay sa pamantayan ng BEP-20, tingnan ang draft na panukala ng Github.

 

Paano mag-withdraw ng mga BEP-20 token

Dose-dosenang palitan ang sumusuporta sa mga pag-withdraw ng BEP-20 sa mga wallet na compatible sa BSC, kaya hindi na kinakailangan ang manu-manong pag-convert ng iyong mga BEP-2 token sa BEP-20. Sa direktang pag-withdraw ng mga BEP-20 token, makakatipid ka sa oras at pera (bayarin) dahil lalampasan mo ang hakbang kung saan kailangan mo pang i-convert ang iyong mga token sa BEP-20. 

Siguraduhing sinusuportahan ng ginagamit mong palitan o wallet ang BEP-20 bago ka mag-withdraw. Kung hindi ka sigurado, makipag-ugnayan sa opisyal na customer support para suriin ito ulit.

 

Pag-withdraw ng mga BEP-20 token sa Binance.com

Sa artikulong ito, ipapaliwanag namin ang proseso ng pag-withdraw ng BNB mula sa Binance.com papunta sa Trust Wallet. Ang proseso ng pag-withdraw ay dapat halos parehas sa lahat ng palitan ng crypto at wallet.

Bago ka magsimula, pumunta sa iyong Trust Wallet (o sa kahit anong wallet na tugma sa BSC) at kunin ang BSC address ng tatanggap. Simple lang ang prosesong ito at ang kailangan mo lang gawin ay buksan ang iyong wallet, piliin ang Smart Chain, at i-click ang Tanggapin. Lalabas ang address sa screen. I-save ang address na ito para sa ibang pagkakataon, dahil kakailanganin mo ito sa ikatlong hakbang ng sumusunod na gabay.

1. Mag-log in sa iyong account sa Binance.com. Sa kanang sulok sa itaas, piliin ang [Wallet] at i-click ang [Pangkalahatang-ideya].


2. Sa Pangkalahatang-ideya ng Wallet mo, i-click ang [Mag-withdraw].


3. Kapag nasa menu ka na ng pag-withdraw, piliin ang coin na gusto mong i-withdraw (BNB sa sitwasyon natin), at ilagay ang address ng pag-withdraw (na nakuha sa Trust Wallet). Susunod, piliin ang BNB Smart Chain (BEP20) bilang network ng paglilipat, at ilagay ang halagang gusto mong i-withdraw.


4. Pagkatapos piliin ang BNB Smart Chain bilang network ng paglilipat, may lalabas na pop-up screen para kumpirmahin na naiintindihan mo kung ano ang ginagawa mo.

 

5. Ang mga susunod na hakbang ay kapareho ng anupamang pag-withdraw. May lalabas na screen ng kumpirmasyon na magsasabi sa iyo ng mga detalye ng transaksyon, gaya ng rate at bayarin sa pag-convert.

6. Kapag nakumpirma na, hihilingin sa iyong ilagay ang iyong code sa pag-verify para maaprubahan ang pag-withdraw.

Ipoproseso ang iyong transaksyon sa loob ng ilang sandali. Dapat makita ang mga pondo sa iyong balanse sa Trust Wallet sa loob lang ng ilang minuto pagkatapos mong matanggap ang email ng kumpirmasyon sa pag-withdraw. Kapag dumating na ang mga pondo mo, padadalhan ka ng notification ng Trust Wallet tungkol sa matagumpay na pagdeposito ng iyong mga BEP-20 BNB token.

Sa pagsunod sa mga hakbang na ito, hind mo na kakailanganing manu-manong mag-convert ng BEP-2 sa BEP-20. Kapag natanggap mo na ang deposito sa iyong Trust Wallet, puwede ka nang makipag-interact sa anumang sinusuportahang dApp o proyekto.