Isang Maikling Gabay sa Dual na Pamumuhunan ng Binance
Talaan ng Nilalaman
Panimula
Mga Pangunahing Benepisyo ng Dual na Pamumuhunan 
Paano gumagana ang Dual na Pamumuhunan?
Mga Pangunahing Terminolohiya sa Dual na Pamumuhunan
Paano kinakalkula ang mga return?
Paano i-autocompound ang iyong mga return sa Dual na Pamumuhunan
Mga pangwakas na pananaw
HomeMga Artikulo
Isang Maikling Gabay sa Dual na Pamumuhunan ng Binance

Isang Maikling Gabay sa Dual na Pamumuhunan ng Binance

Baguhan
Na-publish Sep 17, 2020Na-update Sep 23, 2022
7m

TL;DR

  • Sa Dual na Pamumuhunan, puwede kang kumita ng interes saanmang direksyon papunta ang merkado. 

  • Gamitin ang Dual na Pamumuhunan na Bumili kapag Mababa para bumili ng crypto sa mas mababang presyo sa hinaharap at kumita ng interes.

  • Gamitin ang Dual na Pamumuhunan na Magbenta kapag Mataas para magbenta ng crypto sa mas mataas na presyo sa hinaharap at kumita ng interes.

  • Kung maaabot ang Target Price, gagamitin ang deposito mo para bumili/magbenta ng cryptocurrency. Kung hindi ito maaabot, isasauli sa iyo ang iyong deposito at kita sa interes.

  • Puwede mong i-compound ang iyong mga kita at puwede mong i-roll over ang iyong mga posisyon gamit ang feature na Auto-Compound.


Panimula

Alam nating lahat na para makakuha ng return sa pamumuhunan, kailangan nating bumili kapag mababa at magbenta kapag mataas. Hindi iba ang pamumuhunan sa cryptocurrency. Nagbibigay ang Dual na Pamumuhunan ng Binance ng magandang paraan para masamantala ang mga pagkakataong Bumili kapag Mababa at Magbenta kapag Mataas habang nagbibigay rin sa iyo ng mga karagdagang return. Talakayin natin kung paano ito gumagana at kung paano ka mismo makakapagsimula.


Mga Pangunahing Benepisyo ng Dual na Pamumuhunan 

Nagbibigay ang Dual na Pamumuhunan ng Binance ng apat na pangunahing benepisyo:

  • Bumili kapag Mababa o Magbenta kapag Mataas: Sa Dual na Pamumuhunan, puwede kang magkaroon ng tsansang bumili ng crypto sa mas mababang presyo o magbenta ng crypto sa mas mataas na presyo. 

  • Mataas na Yield ng Interes: Makakakuha ka ng mataas na passive income saanmang direksyon pumunta ang merkado.

  • Maraming Pagpipilian: Makakapili ka sa maraming iba't ibang asset at maitatakda mo ang target na petsa at presyo ayon sa gusto mo.

  • Walang Bayarin sa Pag-trade: Walang bayarin sa pag-trade kapag naabot ang target at naipatupad ang buy o sell-order. 


Paano gumagana ang Dual na Pamumuhunan?

Nagbibigay ang Dual na Pamumuhunan ng Binance sa mga user ng pagkakataong bumili ng crypto sa mas mababang presyo o magbenta ng crypto sa mas mataas na presyo sa hinaharap. Nagbibigay-daan din ito sa mga user na makakuha ng mataas na yield ng interes sa panahon ng subskripsyon anuman ang direksyon ng merkado. Para sa marami, nag-aalok ang Dual na Pamumuhunan ng alternatibo sa spot trading gamit ang mga limit order sa platform ng pag-trade ng Binance. 

May dalawang uri ng mga produkto ng Dual na Pamumuhunan: Bumili kapag Mababa at Magbenta kapag Mataas

Ibinibigay ng mga produktong Bumili kapag Mababa ang pagkakataong bilhin ang gusto mong crypto sa mas mababang presyo sa hinaharap. Sa mga produktong Magbenta kapag Mataas, magkakaroon ka ng pagkakataong ibenta ang dati mo nang crypto sa mas mataas na presyo sa hinaharap. 

Dual na Pamumuhunan na Bumili kapag Mababa

May dalawang dahilan kaya posibleng gustuhin mong gamitin ang Dual na Pamumuhunan na Bumili kapag Mababa: 

1. Gamitin ang mga kasalukuyan mong hawak na stablecoin para bumili ng crypto sa gusto mong presyo, sa gustong petsa, at makakuha rin ng mga karagdagang kita.

2. Makaipon ng mas marami pang stablecoin sa pamamagitan ng kita sa interes.

Dual na Pamumuhunan na Magbenta kapag Mataas

Gayundin, nagbibigay rin ng dalawang paggagamitan ang produktong Dual na Pamumuhunan na Magbenta kapag Mataas:

1. Ibenta ang mga kasalukuyan mong hawak na crypto sa gusto mong presyo sa gustong petsa at makakuha rin ng mga karagdagang kita. 

2. Makaipon ng mas marami pang crypto sa pamamagitan ng kita sa interes.

Mga diskarte sa pag-trade

Madaling magagamit ang Bumili kapag Mababa at Magbenta kapag Mataas sa ilang iba't ibang diskarte sa pag-trade. Siguraduhing tingnan ang aming gabay sa LINK para sa mga rekomendasyon sa mga nangungunang diskarte sa Dual na Pamumuhunan. Makakatulong ang anim na diskarteng ito na ma-maximize ang mga kita at makamit ang mga pangangailangan mo sa pamumuhunan.


Mga Pangunahing Terminolohiya sa Dual na Pamumuhunan

Bago natin talakayin kung paano gumagana ang mga produktong ito, ibigay muna natin ang kahulugan ng ilan sa mga terminong kailangan mong malaman:

1. Halaga ng Subskripsyon –  Ang halagang idineposito noong nagsa-subscribe sa Dual na Pamumuhunan.

2. Target Price - Isang nakatakdang presyo kung saan mo gustong bumili o magbenta ng cryptocurrency. 

3. Petsa ng Settlement - Isang nakatakdang petsa kung kailan mo gustong bumili o magbenta ng cryptocurrency. Matatanggap mo rin ang iyong return sa pamumuhunan sa petsang ito. 08:00 (UTC) ang checkpoint kung kailan magpapasya kung naabot ba ang Target Price o hindi. 

4. Settlement Price - Isang average ng market price sa loob ng 30 minuto bago sumapit ang 08:00 (UTC) sa Petsa ng Settlement. Tinutukoy ng Settlement Price at Target Price kung makakabili ka kapag mababa o makakapagbenta ka kapag mataas.

5. Annual percentage yield (APY) - Ang interes na kikitain mo kung ila-lock mo ang iyong crypto sa isang produkto ng Dual na Pamumuhunan nang isang taon. Halimbawa, kung 36.5% ang iyong APY, ang pagtatantya sa iyong pang-araw-araw na epektibong return ay 36.5% / 365 araw = 0.1%.

6. Panahon ng Subskripsyon - Ang dami ng mga araw mula sa araw ng subskripsyon hanggang sa Petsa ng Settlement.


Paano Mag-subscribe sa Dual na Pamumuhunan?

Madali lang gamitin ang Dual na Pamumuhunan ng Binance kung pamilyar ka kung paano gumagana ang produkto.  Sundin ang mga simpleng hakbang sa ibaba para mag-subscribe sa Dual na Pamumuhunan.

1. Pumunta sa page ng Dual na Pamumuhunan


2. Piliin ang crypto na gusto mong bilhin o ibenta.


3. Sagutan ang pagsusulit sa Dual na Pamumuhunan kung ngayon mo pa lang gagamitin ang produkto.


4. Magpasyang Bumili kapag Mababa o Magbenta kapag Mataas.


5. Pumili ng Target Price at Petsa ng Settlement.


6. Ilagay ang halaga ng iyong subskripsyon, sumang-ayon sa aming mga tuntunin, at i-click ang [Mag-subscribe].


7. Handa ka na! Ise-settle ang mga pondo mo sa loob ng 6 na oras pagkatapos ng oras ng checkpoint (08:00 UTC) sa Petsa ng Settlement. Puwede mong tingnan ang iyong mga dating order sa page ng Kasaysayan sa Dual na Pamumuhunan.

Beginner Mode

Kung hindi ka pamilyar sa Dual na Pamumuhunan, may available kaming opsyong “Beginner Mode” gamit ang toggle button. Nagbibigay ang Beginner Mode ng sunod-sunod na tutorial na makakatulong sa iyo sa proseso ng subskripsyon. 

Kapag pamilyar ka na sa Dual na Pamumuhunan, magagamit mo ang parehong toggle button para i-off ang Beginner Mode at gamitin ang aming mga advanced na feature. 


Paano kinakalkula ang mga return?

May dalawang component ng mga return sa Dual na Pamumuhunan: Kita sa Interes at Halaga ng Subskripsyon. Mag-iiba-iba ang iyong return depende kung naabot na ba ang Target Price o hindi.

Tingnan muna natin kung paano kinakalkula ang kita sa interes. Kinakalkula ang Kita sa Interes gamit ang formula sa ibaba: 

Kita sa Interes = Halaga ng Subskripsyon x APY% x Panahon ng Subskripsyon (sa mga araw) / 365

Para sa Dual na Pamumuhunan na Bumili kapag Mababa, may dalawang posibleng sitwasyon.

1)Kapag naabot ang Target Price sa Petsa ng Settlement (ibig sabihin, nasa o mas mababa sa Target Price ang presyo):

a) Gagamitin ang iyong Halaga ng Subskripsyon at Kita sa Interes para bumili ng crypto sa Target Price. 

b) Formula: (Halaga ng Subskripsyon + Kita sa Interes) / Target Price

2)Kapag HINDI naabot ang Target Price sa Petsa ng Settlement:

a) Matatanggap mo ang iyong Halaga ng Subskripsyon at Kita sa Interes nang walang anumang conversion.

b) Formula: Halaga ng Subskripsyon + Kita sa Interes


Para sa Dual na Pamumuhunan na Magbenta kapag Mataas, mayroon ding dalawang posibleng sitwasyon.

1)Kapag naabot ang Target Price sa Petsa ng Settlement (ibig sabihin, nasa o mas mataas sa Target Price ang presyo):

a) Gagamitin ang iyong Halaga ng Subskripsyon at Kita sa Interes para magbenta ng crypto sa Target Price.

b) Formula: (Halaga ng Subskripsyon + Kita sa Interes) x Target Price 

2)Kapag HINDI naabot ang Target Price sa Petsa ng Settlement:

a) Matatanggap mo ang iyong Halaga ng Subskripsyon at Kita sa Interes nang walang anumang conversion.

b) Formula: Halaga ng Subskripsyon + Kita sa Interes


Sa bawat Petsa ng Settlement, ginagamit ng Binance ang 08:00 UTC bilang checkpoint kung kailan magpapasya kung naabot ba ng Settlement Price ang Target Price o hindi. Ang Settlement Price ay ang average ng market price sa loob ng 30 minuto bago sumapit ang 08:00 (UTC) sa Petsa ng Settlement. Isasauli sa iyo ang mga pondo mo sa loob ng 6 na oras pagkatapos ng oras ng checkpoint (08:00 UTC) sa Petsa ng Settlement.


Paano i-autocompound ang iyong mga return sa Dual na Pamumuhunan

Isang karaniwang diskarte sa pamumuhunan ang i-compound ang iyong mga kita para lumaki ang mga return. Puwedeng i-automate ng Dual na Pamumuhunan ang prosesong ito para sa iyo gamit ang feature nitong Auto-Compound.

Sa Petsa ng Settlement ng anumang bukas na posisyon sa Dual na Pamumuhunan, puwede kang awtomatikong mag-subscribe ulit sa bagong posisyon na may Petsa ng Settlement na mangyayari sa susunod na available na Petsa ng Settlement.

Pumapatak ang mga Petsa ng Settlement para sa BTC at ETH tuwing Martes at Biyernes. Tuwing Biyernes ang Petsa ng Settlement para sa lahat ng iba pang digital asset. Hanggang 30 minuto bago ang Petsa ng Settlement, mapipili mong i-on/i-off ang feature na Auto-Compound.

May dalawang available na plan ng Auto-Compound:

1. Basic Plan

  • Kung maaabot ang Target Price, titigil ang Auto-Compound. Isasara ng system ang posisyon at ipapamahagi nito ang mga kita. 

  • Kung hindi maaabot ang Target Price, magpapatuloy ang Auto-Compound. Awtomatikong magsa-subscribe ang system sa bagong posisyon na may settlement na mangyayari sa susunod na available na Petsa ng Settlement hanggang sa maabot ang Target Price.

Isipin na kung hindi maaabot ang kasalukuyang Target Price ng Magbenta kapag Mataas, sa Petsa ng Settlement, mag-o-autocompound ang iyong mga pondo sa bagong posisyon ng Magbenta kapag Mataas. Kung maaabot ang Target Price, tatapusin ng Dual na Pamumuhunan ang function na Auto-Compound.

2. Advanced Plan

  • Kung maaabot ang Target Price, awtomatikong magsa-subscribe ang system sa bagong posisyon na may settlement na mangyayari sa susunod na available na Petsa ng Settlement sa kabilang direksyon

  • Kung hindi maaabot ang Target Price, awtomatikong magsa-subscribe ang system sa bagong posisyon na may settlement na mangyayari sa susunod na available na Petsa ng Settlement sa parehong direksyon. Halimbawa, nag-subscribe ka sa produktong Magbenta kapag Mataas at hindi naabot ang Target Price. Magbubukas ang Auto-Compound ng bagong posisyon ng Magbenta kapag Mataas para sa iyo.

Sa ating halimbawa, kung maaabot ang kasalukuyang Target Price ng Magbenta kapag Mataas, magbubukas ang Dual na Pamumuhunan ng bagong posisyon ng Bumili kapag Mababa na may settlement sa susunod na available na Petsa ng Settlement. Kung hindi maaabot ang Target Price, sa Petsa ng Settlement, mag-o-autocompound ang iyong mga pondo sa bagong posisyon ng Magbenta kapag Mataas.



Mga pangwakas na pananaw

Nagbibigay-daan sa iyo ang Dual na Pamumuhunan ng Binance na magkaroon ng passive income saanmang direksyon pumunta ang merkado. Kung isa kang mamumuhunan o trader na may account sa Binance at hindi lang mag-stake o magpahiram ng mga hino-HODL mong coin ang gusto mong gawin, puwedeng maging magandang paraan ang Dual na Pamumuhunan para mag-diversify

Puwede mong pagkakitaan ang iyong view ng merkado at subukang mag-hedge ng mga presyong nakakalamang sa merkado nang may dagdag na interes at may kaligtasan ng produkto ng Binance. Gaya ng nakasanayan, siguraduhing gumawa ng sarili mong pananaliksik tungkol sa paksa bago mo ipuhunan ang iyong mga pondo.