Binance платформасынан криптовалютаны қалай шығаруға болады?

2017-12-27 11:10

Қолданба

Веб-сайт

Жиі қойылатын сұрақтар

Видео оқулық

Binance қолданбасында қалай криптовалюта шығаруға болады?

1. Binance қолданбасына кіріп, [Әмияндар] – [Спот] – [Шығару] түймесін түртіңіз.

2. Шығарғыңыз келетін криптовалютаны, мысалы, BNB таңдаңыз. Содан кейін [Криптовалютаны желі арқылы жіберу] түймесін түртіңіз.

3. Шығарғыңыз келетін мекенжайды қойып, желіні таңдаңыз.

Желіні мұқият таңдап, таңдалған желінің қаражатты шығарып жатқан платформа желісімен бірдей екеніне көз жеткізіңіз. Басқа желіні таңдасаңыз, қаражатыңыз жоғалып, оны қалпына келтіру мүмкін болмайды.

Желіні қалай таңдауға болады?

Ең жиі кездесетін желілердің кейбірі:

BEP2: BNB Beacon Chain;
BEP20: BNB Smart Chain (BSC);
ERC20: Ethereum желісі;
TRC20: TRON желісі;
EOS: Enterprise Operation System желісі;
BTC: Bitcoin желісі;
BTC (SegWit): Native Segwit (bech32). Оның мекенжайы «bc1» деп басталады. Қосымша мәліметтер алу үшін, Segregated Witness (SegWit) дегеніміз не? бөлімін қараңыз.

BEP2 немесе EOS сияқты белгілі бір желілер үшін аударым жасау кезінде MEMO толтыру керек, әйтпесе мекенжайыңыз анықталмайды.

Желіні таңдау сіз қаражатты шығарып жатқан сыртқы әмиян/биржа ұсынатын опцияларға байланысты. Егер сыртқы платформа тек ERC20 қолдайтын болса, ERC20 депозит желісін таңдау керек.
Ең арзан алым опциясын ТАҢДАМАҢЫЗ. Сыртқы платформамен үйлесімді опцияны таңдаңыз. Мысалы, сіз тек ERC20 токендерін басқа ERC20 мекенжайына жібере аласыз және BSC токендерін басқа BSC мекенжайына ғана жібере аласыз. Үйлесімсіз/әртүрлі депозит желілерді таңдасаңыз, қаражатыңыздан айырыласыз.
Сондай-ақ қабылдау платформасы сіз шығарып жатқан токеннің келісімшарт мекенжайын қолдайтынын растауыңыз керек, әйтпесе активтеріңіз жоғалуы мүмкін және оны қалпына келтіру мүмкін емес. Қолдау көрсетілетін келісімшарт мекенжайларының тізімін тиісті платформадан тексеруге болады.

4. Шығару сомасын енгізіңіз, сонда тиісті транзакция алымы мен алатын соңғы соманы көресіз. Сондай-ақ қай әмияннан шығару керектігін [Жіберу орны] параметрінен таңдауға болады.Жалғастыру үшін [Шығару] түймесін басыңыз.

5. Сізден транзакцияны қайта растау сұралады. [Растау] түймесін баспас бұрын, шығару мекенжайын және желіні мұқият тексеріңіз.

Аударым жасау кезінде қате ақпаратты енгізсеңіз немесе қате желіні таңдасаңыз, активтеріңіз біржола жоғалады. Транзакцияны растамас бұрын, ақпараттың дұрыс екеніне көз жеткізіңіз.

6. 2 факторлы аутентификация құрылғыларымен немесе рұқсат кілтімен транзакцияны растаңыз. Шығару сұрауын растағаннан кейін, аударымның өңделуін күтіңіз.