პასუხისმგებლობაზე უარის განაცხადი: კონტენტი წარმოდგენილია მხოლოდ საგანმანათლებლო მიზნით. ამ წარმოდგენილი პროდუქტები და სერვისები შეიძლება არ იყოს ხელმისაწვდომი თქვენს რეგიონში.
მთავარი დეტალები
Moonbix მარტივი თამაშია. მასზე წვდომა Binance Moonbix-ის Telegram ბოტის მეშვეობითაა შესაძლებელი, რაც საკმაოდ კომფორტულია მოთამაშეებისთვის.
მოთამაშეებს ევალებათ მონეტების შეგროვება და ქულების გამომუშავება 45-წამიანი სესიების განმავლობაში. ქულები განისაზღვრება შეგროვებული ნივთების რაოდენობის, ზომის და ღირებულების მიხედვით.
Moonbix-ს არ გააჩნია ტოკენი, რომლით ვაჭრობასაც შეძლებენ მოთამაშეები, თუმცა თამაში მოიცავს ღონისძიებებს, რომლის ფარგლებშიც შესაძლებელია რეალური კრიპტოვალუტების ჯილდოების მოპოვება.
რა არის Moonbix?
Moonbix წარმოადგენს Binance-ის მიერ შექმნილ მინი-თამაშს. ეს გახლავთ Telegram-ის პლატფორმაზე გამოქვეყნებული კრიპტოვალუტების თემატიკის თამაში, სადაც მოთამაშეებს შეუძლიათ გამოიკვლიონ გალაქტიკა და პარალელურად შეაგროვონ სხვადასხვა ნივთი. თამაშზე წვდომის მოპოვება მარტივადაა შესაძლებელი, ასევე მარტივია მისი სტრუქტურაც, რაც წაახალისებს მონაწილეებს ჩაერთონ თამაშში და მოიპოვონ ჯილდოები.
Telegram-ის სხვა მინი-თამაშებისგან განსხვავებით, Moonbix-ს არ გააჩნია ტოკენი, რომლით ვაჭრობასაც შეძლებენ მოთამაშეები, თუმცა თამაში მოიცავს ღონისძიებებს, რომლის ფარგლებშიც მოთამაშეებს ეძლევათ კრიპტოვალუტების ჯილდოების მოპოვების შესაძლებლობა.
როგორ მუშაობს Moonbix?
Moonbix მუშაობს Telegram ბოტის მეშვეობით, შესაბამისად, მასზე წვდომის მოპოვება მარტივადაა შესაძლებელი Moonbix-ის Telegram არხზე გადასვლით. თამაშის დასაწყებად უბრალოდ უნდა გაააქტიუროთ Moonbix ბოტი და მიჰყვეთ ინსტრუქციებს.
თამაშის სტრუქტურა მარტივია, მოთამაშეებს ევალებათ სხვადასხვა ნივთის შეგროვება. ქულები განისაზღვრება შეგროვებული ნივთების რაოდენობის, ზომის და ხარისხის მიხედვით. მოთამაშეები შეგროვებული ქულების მიხედვით იუმჯობესებენ რეიტინგს და იკავებენ შესაბამის პოზიციას სარეიტინგო დაფაზე, რაც ზრდის მათ მიერ ჯილდოების მიღების შანსს.
როგორ ვითამაშოთ Moonbix
თითოეულ მოთამაშეს აქვს დღეში ექვსი უფასო თამაშის უფლება, თამაშის თითოეული სესია 45 წამი გრძელდება. მოთამაშეებს ევალებათ კოსმოსურ ხომალდზე დამაგრებული კაუჭის მეშვეობით დაიჭირონ სხვადასხვა ნივთი და მოიპოვონ ქულები.
კაუჭის მეშვეობით მონეტების, სასაჩუქრე ბოქსების და საიდუმლო კოსმოსური ხომალდების (როდესაც ხელმისაწვდომია) დასაჭერად საჭიროა, რომ სწორ დროს შეეხოთ ეკრანს ან დააწკაპუნოთ მაუსზე. თუ ნივთის ნაცვლად ქვას დაიჭერთ, ქულები დაგაკლდებათ.
ქულების მეშვეობით განისაზღვრება თქვენი რეიტინგი Moonbix კამპანიებში, ჯილდოები კი საუკეთესო მოთამაშეებს გადაეცემათ. გარდა ამისა, დამატებითი ქულების მიღება თამაშში მეგობრების მოწვევითაც შეგიძლიათ. დამატებითი ინფორმაციის მისაღებად იხილეთ Moonbix-ის ხშირად დასმული კითხვების გვერდი.
Binance Moonbix-ის მთავარი მახასიათებლები
ხელმისაწვდომია Telegram პლატფორმის მეშვეობით: Moonbix-ზე წვდომის მოპოვება მარტივადაა შესაძლებელი Telegram პლატფორმის გამოყენებით. შესაბამისად, მსურველებს შეუძლიათ ითამაშონ ნებისმიერი ადგილიდან, დამატებითი აპლიკაციების ან მოწყობილობების საჭიროების გარეშე.
კრიპტო ჯილდოები: Moonbix-ის შესაბამის მოთამაშეებს ეძლევათ რეალური კრიპტოვალუტების პრიზების მიღების და მათი Binance-ის ანგარიშებზე გადატანის შესაძლებლობა.
თამაშის მარტივი ინტერფეისი: თამაშის სიმარტივე უზრუნველყოფს მის პოპულარობას ფართო აუდიტორიაში, რომელიც შედგება როგორც ჩვეულებრივი მოთამაშეებისგან, ისე კრიპტო ენთუზიასტებისგან.
პერიოდული ღონისძიებები: Binance Moonbix მართავს სპეციალურ ღონისძიებებს, სადაც მოთამაშეებს ეძლევათ დამატებითი პრიზების მიღების შესაძლებლობა, რაც თამაშს უფრო დინამიურს და საინტერესოს ხდის.
არასავაჭრო აქტივი: Moonbix არ არის ტოკენი ან კრიპტოვალუტა. გარკვეული პერიოდის განმავლობაში ეს ფაქტი დაბნეულობას იწვევდა საზოგადოების წევრებს შორის, თუმცა მოგვიანებით Binance-მა განმარტა, რომ ეს გახლავთ უბრალოდ თამაში, სადაც შესაძლებელია კრიპტო ჯილდოების მოპოვება.
ახორციელებს თუ არა Moonbix ტოკენების Airdrop-ს?
Hamster Kombat-ის და Telegram-ზე განთავსებული სხვა მინი-თამაშებისგან განსხვავებით, Moonbix არ ახორციელებს ადგილობრივი ტოკენების airdrop-ს.
ზოგიერთმა მომხმარებელმა Moonbix შეცდომით აღიქვა, როგორც ახალი პროექტი საკუთარი კრიპტო ტოკენით. ამის მიზეზი დიდი ალბათობით გახლავთ ის, რომ თამაშში გარკვეული ეტაპების გავლის შემდეგ შესაძლებელია კრიპტოვალუტების ჯილდოების მოპოვება. თუმცა, Moonbix-ის გუნდმა განმარტა, რომ მათ შექმნეს პროექტი მხოლოდ და მხოლოდ თამაშის სახით და მათი სამომავლო გეგმები არ მოიცავს ადგილობრივი კრიპტოვალუტის გაშვებას.
Moonbix-ის ჯილდოები: DOGS და NOT
2024 წლის 7 ოქტომბერს Binance-მა გააკეთა განცხადება ექსკლუზიურად Moonbix-ის მოთამაშეებისთვის ხელმისაწვდომი კამპანიის შესახებ, რომლის ფარგლებშიც მომხმარებლებს შეეძლოთ 145 000 000 DOGS და 15 000 000 NOT ტოკენისგან შემდგარი ჯილდოების პულის წილის მიღება თამაშში ჩართვის და ვაჭრობის მეშვეობით.
ღონისძიების ფარგლებში მოთამაშეები რეიტინგს მათი ქულების და ვაჭრობის მოცულობის მაჩვენებლების მიხედვით მოიპოვებენ. საუკეთესო შედეგების მქონე მოთამაშეები მიიღებენ ჯილდოების წილს, კონკრეტულ დონეებზე გადასვლასთან და უფლებების მოპოვებასთან დაკავშირებული წესების შესაბამისად. ღონისძიებაში მონაწილეობის და ჯილდოების მიღების შესახებ დამატებითი ინფორმაციის მისაღებად იხილეთ Binance-ის განცხადების გვერდი.
შეჯამება
Binance Moonbix გახლავთ თამაში, რომელიც აერთიანებს გეიმინგ სამყაროს და კრიპტო ჯილდოების მიღების შესაძლებლობებს. იგი გამოირჩევა მარტივი წვდომის შესაძლებლობით და წარმოდგენილია Telegram პლატფორმაზე განთავსებული მინი-აპლიკაციის სახით. Moonbix საინტერესო და პერსპექტიულ გამოცდილებას სთავაზობს მათ, ვინც ეძებს Binance-ის პლატფორმასთან ურთიერთქმედების და ჯილდოების მოპოვების ალტერნატიულ გზებს. ეს თამაში თითქოს აქრობს გეიმინგის და კრიპტოვალუტების სამყაროებს შორის არსებულ უფსკრულს.
დამატებითი საკითხავი
პასუხისმგებლობაზე უარის განაცხადი: ეს კონტენტი თქვენთვის წარმოდგენილია „არსებული სახით“ და განკუთვნილია მხოლოდ ზოგადი საინფორმაციო და საგანმანათლებლო მიზნებისთვის, რაიმე სახის რეპრეზენტაციისა თუ გარანტიის გარეშე. იგი არ უნდა იქნეს აღქმული, როგორც ფინანსური, იურიდიული ან პროფესიული რჩევა და არ არის განკუთვნილი იმისთვის, რომ რეკომენდაცია გაუწიოს რაიმე სახის კონკრეტული პროდუქტის ან სერვისის შეძენას. რჩევის მისაღებად უნდა მიმართოთ შესაბამის პროფესიონალ მრჩეველს. რადგან წინამდებარე სტატია მოწოდებულია მესამე მხარის მიერ, გაითვალისწინეთ, რომ მასში წარმოდგენილი შეხედულებები ეკუთვნის მესამე მხარეს და არ წარმოადგენს Binance Academy-ს შეხედულებებს. დამატებითი ინფორმაციის მისაღებად, სრულად გაეცანით აქ წარმოდგენილ პასუხისმგებლობაზე უარის განაცხადს. ციფრული აქტივების ფასები შეიძლება იყოს არასტაბილური. თქვენი ინვესტიციის ღირებულებამ შეიძლება დაიკლოს ან მოიმატოს და შესაძლოა ვერ შეძლოთ ინვესტირებული თანხის დაბრუნება. თქვენ ერთპიროვნულად ხართ პასუხისმგებელი თქვენს საინვესტიციო გადაწყვეტილებებზე და Binance Academy არ არის პასუხისმგებელი თქვენ მიერ განცდილ არანაირ ზარალზე. აქ მოცემული ინფორმაცია არ უნდა იქნეს აღქმული, როგორც რაიმე სახის ფინანსური, იურიდიული ან პროფესიული რჩევა. დამატებითი ინფორმაციისთვის გაეცანით ჩვენს გამოყენების პირობებს და რისკის შესახებ გაფრთხილებას.