DYOR (ვრცლად „საკუთარი მოკვლევის ჩატარება“) გახლავთ ფრაზა, რომელიც გულისხმობს მომხმარებელთა წახალისებას, თავად ჩაატარონ საჭირო მოკვლევა და მოიძიონ შესაბამისი ინფორმაცია რაიმე ფინანსური თუ საინვესტიციო გადაწყვეტილების მიღებამდე. კრიპტო ინდუსტრიის შემთხვევაში, აღნიშნული გამოიყენება ინვესტორებისთვის იმის შესახსენებლად, რომ არ არის რეკომენდებული მხოლოდ გავრცელებულ მოსაზრებებზე, განსაკუთრებით კი, სოციალურ ქსელებში წარმოდგენილ ინფორმაციაზე დაყრდნობით ციფრული აქტივების ყიდვასთან ან გაყიდვასთან დაკავშირებული გადაწყვეტილებების მიღება.
თუმცა, აღნიშნული ფრაზა მხოლოდ კრიპტოვალუტებთან მიმართებაში არ გამოიყენება. მას ხშირად იყენებენ ინტერნეტ სივრცეშიც, ისეთ შემთხვევებში, როდესაც ხდება მცდარი ინფორმაციის სწრაფად გავრცელება, რაც, შესაბამისად, ზღუდავს ინფორმაციის დამოუკიდებლად მოპოვებისა და გადამოწმების შესაძლებლობას. თუმცა, კრიპტო ინდუსტრიაში პროცესები შედარებით განსხვავებულად მიმდინარეობს: ბაზრები აქტიურია 24/7 რეჟიმში, არსებობს პროექტების იაფად და ანონიმურად შექმნის შესაძლებლობა, ხოლო პროცესების არასწორად წარმართვის შემთხვევაში, მარეგულირებელი საშუალებები, ხშირ შემთხვევაში, შეზღუდულია.
DYOR ხშირად გამოიყენება, როგორც პასუხისმგებლობაზე უარის განაცხადი. როდესაც ტრეიდერები და ანალიტიკოსები სოციალურ ქსელებში აქვეყნებენ კომენტარებს ბაზარზე არსებული სიტუაციის შესახებ, ან ფასების პროგნოზებს, აღიშნულ ინფორმაციას ისინი ხშირად ურთავენ ფრაზას „DYOR“, რითაც მიუთითებენ, რომ მათ მიერ გამოქვეყნებული პოსტი წარმოადგენს მხოლოდ პირად მოსაზრებას და არ უნდა იქნას აღქმული, როგორც ფინანსური რჩევა. აღნიშნული, რა თქმა უნდა, არ მიუთითებს იმაზე, რომ არ არის საჭირო მოცემული ინფორმაციის გადამოწმება, თუმცა, ხაზს უსვამს ფაქტს, რომ ნებისმიერ გადაწყვეტილებასთან დაკავშირებული პასუხისმგებლობა მხოლოდ და მხოლოდ ინვესტორს ეკისრება.
არ არსებობს იმ მოქმედებების კონკრეტული ჩამონათვალი, რომელთა შესრულების შემთხვევაშიც შეძლებთ აღმოფხვრათ ნებისმიერი შესაძლო რისკი, თუმცა რამდენიმე კონკრეტული მოქმედების შესრულება დაგეხმარებათ იმ ინფორმაციის მოპოვებაში, რომელზე დაყრდნობითაც, შეძლებთ შედარებით ეფექტური გადაწყვეტილებების მიღებას:
შილინგი არის პროცესი, როდესაც კონკრეტული პირები აწარმოებენ საჯარო პოპულარიზაციის ერთგვარ კამპანიას, მათ მფლობელობაში არსებული ტოკენის ფასის ხელოვნურად გაზრდის მიზნით. აღნიშნული პროცესები, ხშირად, სოციალურ ქსელებში მიმდინარეობს და ზოგიერთ შემთხვევაში, იმართება და კონტროლდება კონკრეტული მხარის მიერ. ფასიანი სარეკლამო კამპანიების ფარგლებში, ხშირ შემთხვევაში, არ ხდება მკაფიო და აშკარა ინფორმაციის გამოქვეყნება, რაც ართულებს გულწრფელი ენთუზიაზმისა და გარკვეული საფასურის სანაცვლოდ ჩამოყალიბებული მოსაზრებების ერთმანეთისგან გარჩევას. ამიტომ, ვიდრე კონკრეტულ რეკომენდაციას დაეყრდნობით, მნიშვნელოვანია განსაზღვროთ, აღნიშნული რეკომენდაცია რაიმე ფინანსური სარგებლის მიზნით ხომ არ არის გამოქვეყნებული.
ბოლო დროს, ხშირად გვხდება ხელოვნური ინტელექტის მეშვეობით გენერირებული deepfake-ები და ყალბი რეკლამები, რაც კიდევ უფრო ართულებს კრიპტოვალუტების შესახებ სანდო ინფორმაციის მოპოვებას. ყალბ კონტენტში, სანდოობის ცრუ შთაბეჭდილების შესაქმნელად შესაძლოა გამოყენებული იყოს ცნობილ პირებთან მიმსგავსებული პერსონაჟები, ან მათი ხმა. შესაბამისად, აღნიშნული ტიპის კონტენტზე დაყრდნობით ნებისმიერი გადაწყვეტილების მიღებამდე, მნიშვნელოვანია ოფიციალური არხებისა და წყაროების გადამოწმება.
DYOR გახლავთ ერთგვარი შეხსენება, რომ არც ერთი გარე საინფორმაციო წყარო, მათ შორის ანალიტიკოსების, ინფლუენსერებისა და საზოგადოების წევრების მოსაზრებები, არ არის 100%-ით სანდო, როდესაც საქმე ფინანსური გადაწყვეტილების მიღებას, თუ ფინანსურ ერთეულებთან დაკავშირებით მოსაზრების ჩამოყალიბებას ეხება. მუდმივად ცვალებად და შეზღუდულ კონტროლს დაქვემდებარებულ ინდუსტრიაში, ნებისმიერი გადაწყვეტილების მიღებამდე, მნიშვნელოვანია დამოუკიდებელი მოსაზრების ჩამოყალიბება. რა თქმა უნდა, ეს არ არის ყველა შესაძლო რისკისა თუ ზარალის თავიდან არიდების გარანტია, თუმცა, აღნიშნული მეთოდის გამოყენება მკვეთრად ამცირებს ნაკლებად სანდო, არასწორ, ან შეუსაბამო განზრახვით გამოქვეყნებულ ინფორმაციაზე დაყრდნობით გადაწყვეტილებების მიღებისა და მოქმედების ალბათობას.
კრიპტოგრაფიის მეშვეობით დაცული ციფრული ვალუტა, რომელიც გამოიყენება როგორც გაცვლის საშუალება peer-to-peer (P...
სატოში ნაკამოტოს ფსევდონიმით ცნობილი დეველოპერის (დეველოპერების) მიერ შექმნილი კრიპტოვალუტა. ისტორიაში პირვ...
ორთოგრაფიული შეცდომით დაწერილი „Hold“, რომელიც პირველად bitcointalk-ზე გამოიყენეს, მოგვიანებით კი ის აკრონი...