რეალურ სამყაროში მისამართის ან ვებსაიტის მისამართის მსგავსად, ბლოკჩეინის მისამართი წარმოადგენს ტექსტის სტრიქონს, რომელიც მიუთითებს კონკრეტულ ადგილზე ან მომხმარებელზე. უფრო კონკრეტულად, ეს არის ტექსტის სტრიქონი, რომელიც მიუთითებს კონკრეტული საფულის ადგილმდებარეობაზე ბლოკჩეინზე, რომელიც შეიძლება გამოყენებულ იქნეს ციფრული აქტივების გასაგზავნად ან მისაღებად.
ყველა ბლოკჩეინს აქვს გარკვეული სახის საფულის ან ანგარიშის მისამართები და უმეტესობა წარმოადგენს ასოების და ციფრების თანმიმდევრობას, რომელიც ადამიანისთვის რთული გასაგებია, მაგრამ კომპიუტერულ ქსელს მარტივად ესმის.
ვინაიდან ბლოკჩეინების უმეტესობა საჯაროა, შეგიძლიათ ნახოთ, თუ რამდენი და რა ტიპის ციფრული აქტივებია უმეტეს საფულეზე, თუმცა ეს არ ეხება ზოგიერთ კერძო ბლოკჩეინს და კონფიდენციალურობაზე ორიენტირებულ კრიპტოვალუტებს.
ბლოკჩეინის ქსელში უმეტესი კრიპტოვალუტის მისამართები ფსევდოანონიმურია, რადგან ახალი საფულის მისამართის შექმნისას პერსონალური მაიდენტიფიცირებელი ინფორმაციის მითითება აუცილებელი არ არის. თუმცა ისინი სრულიად ანონიმიზებული არაა და ზოგიერთი მისამართი საჯაროდ ცნობილია, როგორც კონკრეტულ ადამიანებთან ან დაწესებულებებთან დაკავშირებული.
მაგალითად, ვიტალიკ ბუტერინს აქვს Ethereum-ის მისამართები, რომლებიც საჯაროდ არის ცნობილი. ასევე არსებობს Bitcoin-ის მისამართები, რომლებიც დიდი რაოდენობის BTC-ს შეიცავს და ცნობილია, რომ სატოში ნაკამოტოს ეკუთვნის.
საჯარო ბლოკჩეინების ტრეკინგი ნებისმიერ ადამიანს შეუძლია და არსებობს მრავალი პროგრამული უზრუნველყოფა და ინსტრუმენტი, რომელიც გამოიყენება კრიპტოვალუტის საფულეების მონიტორინგისთვის, რაც ციფრული აქტივების დინების კონტროლის საშუალებას იძლევა.
დეცენტრალიზებული ციფრული ლეჯერი, რომელშიც ქრონოლოგიური თანმიმდევრობითაა ჩაწერილი კრიპტოვალუტის ტრანზაქციები...
საფინანსო ინდუსტრიის სტანდარტული პროცედურა, რომლის საშუალებითაც კომპანიებს შეუძლიათ ამოიცნონ საკუთარი მომხმ...
ტრანზაქციის ID (TXID) არის სიმბოლოების უნიკალური კომბინაცია, რითაც ხდება ბლოკჩეინის თითოეულ ტრანზაქციის ამო...