პასუხისმგებლობაზე უარის განაცხადი: ეს კონტენტი თქვენთვის წარმოდგენილია მხოლოდ ზოგადი საინფორმაციო და საგანმანათლებლო მიზნებისთვის, რაიმე სახის რეპრეზენტაციისა თუ გარანტიის გარეშე. იგი არ უნდა იქნეს აღქმული, როგორც ფინანსური, იურიდიული ან პროფესიული რჩევა და არ არის განკუთვნილი იმისთვის, რომ რეკომენდაცია გაუწიოს რაიმე სახის კონკრეტული პროდუქტის ან სერვისის შეძენას. ამ სტატიაში აღნიშნული პროდუქტები შეიძლება არ იყოს ხელმისაწვდომი თქვენს რეგიონში.
მთავარი დეტალები
Binance Futures კრიპტოვალუტით ვაჭრობასთან ერთად ტრადიციული აქტივებით ვაჭრობის შესაძლებლობას გთავაზობთ. თქვენ შეგიძლიათ ივაჭროთ ოქროთი და ვერცხლით, რისთვისაც გამოიყენება ტიკერები XAUUSDT და XAGUSDT.
ეს კონტრაქტები ტრადიციულ სასაქონლო ბაზრებთან შედარებით უნიკალურ უპირატესობებს გვთავაზობს, მათ შორის 24/7 რეჟიმში ვაჭრობას და ბაზარზე შესვლის დაბალ ბარიერებს.
ასევე შეგიძლიათ გამოიყენოთ ლევერიჯი, რაც მოგცემთ იმაზე მეტი თანხით ვაჭრობის შესაძლებლობას, ვიდრე გაქვთ. ეს მეტი მოგების მიღების საშუალებას მოგცემთ, თუმცა ასევე გაზრდის პოტენციური ზარალის ოდენობას. ამ დროს მნიშვნელოვანია რისკის სათანადო მართვა.
ფუნქცია, რომელსაც ეწოდება „ფინანსირების განაკვეთები“, დაგეხმარებათ სამართლიანი ფასებით ვაჭრობაში, ხოლო გარკვეული პირობების დაკმაყოფილების შემთხვევაში კი ტრეიდერები შეძლებენ თანხის გამომუშავებას უბრალოდ ღია პოზიციის შენარჩუნების მეშვეობით.
შესავალი
ისტორიულად, ძვირფასი ლითონებით ვაჭრობა, როგორიცაა ოქრო და ვერცხლი, უმეტესად მსხვილი ფინანსური ორგანიზაციების მიერ ხორციელდებოდა. ხშირად ეს საჭიროებდა ტრადიციული ფიუჩერსების ბაზრებზე ვაჭრობის კომპლექსური პროცესის ცოდნას, მსხვილ ინვესტიციებს და ვაჭრობის მკაცრ გრაფიკს. საბედნიეროდ, TradFi-ს აქტივების კრიპტოვალუტების ბირჟებში ინტეგრაციამ ამ აქტივებით ვაჭრობა ყველა ტიპის ტრეიდერისთვის ხელმისაწვდომი გახადა.
Binance Futures გთავაზობთ ოქროს (XAU) და ვერცხლის (XAG) კონტრაქტებს, რაც მომხმარებლებს აძლევს ამ ტრადიციული აქტივებით კრიპტოს ეკოსისტემის მოქნილი ტექნოლოგიის მეშვეობით ვაჭრობის შესაძლებლობას. ამ სტატიაში აღწერილია, თუ როგორ მუშაობს ეს კონტრაქტები, რა უპირატესობა აქვს მათ ტრადიციულ ფინანსებთან (TradFi) შედარებით და რა რისკებთანაა ისინი დაკავშირებული.
რა არის ოქროს და ვერცხლის ფიუჩერსები Binance-ზე?
Binance-ზე ოქროთი და ვერცხლით ვაჭრობისთვის გამოიყენება USDT-ით უზრუნველყოფილი უვადო კონტრაქტები. ეს იმას ნიშნავს, რომ წარმოდგენილი ფასები ასახავს ერთი უნცია ოქროს და ვერცხლის რეალურ ღირებულებას, თუმცა ანგარიშსწორება ხორციელდება USDT სტეიბლკოინში.
ოქროს ფიუჩერსები: ტიკერი XAUUSDT
ვერცხლის ფიუჩერსები: ტიკერი XAGUSDT
ფიზიკური აქტივით ანგარიშსწორებისგან განსხვავებით, როდესაც ტრეიდერმა შესაძლოა განახორციელოს აღნიშნული ლითონის რეალურად მიწოდება, ამ კონტრაქტებით ანგარიშსწორება ნაღდი ფულით ხდება. ტრეიდერები ახორციელებენ ლითონების ფასების ცვლილებებით სპეკულაციას, ამიტომ მათ არ უწევთ საცავებზე, დაზღვევაზე ან ლოგისტიკაზე ზრუნვა.
სხვა სიტყვებით რომ ვთქვათ, როდესაც ამ კონტრაქტებით ვაჭრობთ Binance-ზე, თქვენ არ ყიდულობთ ოქროს ან ვერცხლის ფიზიკურ ზოდებს. ამის ნაცვლად, თქვენ ვაჭრობთ ციფრული კონტრაქტებით, რომელთა ფასები ამ ლითონების რეალურ ფასებს შეესაბამება.
ეს მარტივი კონცეფციაა: თუ ფიქრობთ, რომ ლითონის ფასი აიწევს, თქვენ ყიდულობთ ამ კონტრაქტს (ხსნით Long პოზიციას). თუ ფიქრობთ, რომ ფასი დაეცემა, თქვენ ყიდით კონტრაქტს (ხსნით Short პოზიციას). მოგების ან ზარალის დაანგარიშება ხდება USDT-ში.
კრიპტო ბირჟებზე ლითონებით ვაჭრობის უპირატესობები
საქონლით ვაჭრობის დიგიტალიზაციას რამდენიმე უპირატესობა აქვს „ძველი მეთოდის“ ფიუჩერსებით ვაჭრობასთან შედარებით.
1. ბაზარზე წვდომა 24/7 რეჟიმში
ძველი სტილის სასაქონლო ბაზრებს აქვს განსაზღვრული სამუშაო საათები, შაბათ-კვირა კი მათთვის დასვენების დღეებია. თუ მნიშვნელოვანი პოლიტიკური ან ეკონომიკური მოვლენა შაბათ დღეს დაფიქსირდა, ტრადიციულ ბაზრებზე მოვაჭრე ტრეიდერები ორშაბათ დილამდე ვერაფრის გაკეთებას ვერ შეძლებენ. Binance-ზე ბაზრები წელიწადში 365 დღის განმავლობაში მუშაობს, თუ სიახლეს დილის 3 საათზე შეიტყობთ, მასზე რეაგირებას და ვაჭრობის განხორციელებას დაუყოვნებლივ შეძლებთ.
2. ბაზარზე შესვლის დაბალი ბარიერები
ტრადიციულ ბაზრებზე, ოქროს ერთი ფიუჩერსის კონტრაქტი ძალიან ძვირია, ვაჭრობის დასაწყებად ხშირად ათასობით დოლარია საჭირო. ამის გამო უბრალო ხალხს ამ ბაზარზე წვდომის შესაძლებლობა არ აქვს. Binance Futures საშუალებას გაძლევთ ვაჭრობა დაიწყოთ მცირე კაპიტალით და შეიძინოთ უნციაზე ნაკლები წონის ლითონები.
3. ლევერიჯი
ფიუჩერსების კონტრაქტები ტრეიდერებს საშუალებას აძლევს მცირე ოდენობის საწყისი კაპიტალით (მარჟით) გახსნან უფრო დიდი ზომის პოზიციები. ლევერიჯი გვეხმარება კაპიტალის ეფექტურობის გაუმჯობესებაში, თუმცა ხელმისაწვდომი ლევერიჯის დონე დამოკიდებულია აქტივზე და ბაზრის პირობებზე. მაგალითად, 10x ლევერიჯი ნიშნავს, რომ ტრეიდერს შეუძლია ივაჭროს 10 000 აშშ დოლარის ღირებულების ოქროს კონტრაქტებით მხოლოდ 1 000 აშშ დოლარის მარჟის გამოყენებით.
ფინანსირების განაკვეთების განმარტება
თუ კრიპტო ფიუჩერსებით ვაჭრობაში გამოუცდელი ხართ, ფინანსირების განაკვეთების კონცეფცია შესაძლოა გაუგებრად მოგეჩვენოთ, თუმცა ის საკმაოდ მარტივია. რადგან ეს ფიუჩერსების კონტრაქტები უვადოა (შეგიძლიათ განუსაზღვრელი ვადით შეინახოთ), სისტემას ესაჭიროება მეთოდი, რომელიც უზრუნველყოფს კონტრაქტის ფასის ოქროს რეალურ ფასთან მაქსიმალურად მიახლოებულ დონეზე შენარჩუნებას.
ფინანსირების გადასახადი: ეს არის გადასახადი, რომელიც მოძრაობს ტრეიდერებს (მყიდველებსა და გამყიდველებს) შორის ყოველ რამდენიმე საათში ერთხელ. გაითვალისწინეთ, რომ ეს არ არის ბირჟის საკომისიო.
შესაძლებლობა: თუ ფინანსირების განაკვეთი დადებითია, long ტრეიდერები უხდიან short ტრეიდერებს. კონკრეტული საბაზრო ტენდენციების დროს, გახსნილი პოზიციის შენარჩუნების შემთხვევაში (მაგალითად, short პოზიციის ღიად შენარჩუნება ძლიერ bullish პერიოდებში), ტრეიდერებს პასიური შემოსავლის გამომუშავება ამ ფინანსირების საკომისიოების მეშვეობით შეუძლიათ.
რისკების მართვა
ამ აქტივებით ვაჭრობა ძალიან ადვილია, თუმცა ეს ასევე იმას ნიშნავს, რომ შესაძლოა ძალიან სწრაფად დაკარგოთ თქვენი კაპიტალი.
ლევერიჯის რისკი: გახსოვდეთ, რომ ლევერიჯი თქვენს თანხას რამდენჯერმე ზრდის. თუ მაღალ ლევერიჯს იყენებთ, ფასის უმნიშვნელო ვარდნამაც კი შეიძლება მთელი თქვენი ბალანსი შეიწიროს. მაგალითი: თუ იყენებთ 20x ლევერიჯს და ოქროს ფასი 5%-ით დაეცემა, თქვენ დაკარგავთ თქვენი თანხის 100%-ს. ამას ეწოდება იძულებითი ლიკვიდაცია.
ბაზრის მერყეობა: მიუხედავად იმისა, რომ ოქრო ზოგადად სტაბილურ, „უსაფრთხო“ აქტივად ითვლება, კრიპტო-დერივატივების ბაზარი შესაძლოა არასტაბილური იყოს.
როგორ დავიცვათ თავი
უსაფრთხოების მიზნით, ტრეიდერები ხშირად რისკის მართვის სტრატეგიებს იყენებენ, რაც მოიცავს შემდეგს:
სტრატეგიული stop-loss შეკვეთების გამოყენება პოტენციური ზარალის ლიმიტების განსაზღვრისთვის.
პოზიციის ზომის მართვა ანგარიშის ხანგრძლივად შენარჩუნების მიზნით.
ზედმეტი ლევერიჯისთვის თავის არიდება.
როგორ ვივაჭროთ ოქროთი და ვერცხლით Binance Futures-ზე (ვებ-ვერსია)
1. შედით თქვენს Binance-ის ანგარიშზე, გადადით ჩანართზე [Futures] (ფიუჩერსები), შემდეგ აირჩიეთ [USD(S)-M Futures].
შენიშვნა: ეს პროდუქტი შეიძლება არ იყოს ხელმისაწვდომი ზოგიერთ რეგიონში.
2. ამის შემდეგ გახსენით ჩამოსაშლელი მენიუ და მოძებნეთ XAUUSDT (ოქროსთვის) ან XAGUSDT (ვერცხლისთვის).
ამ და სხვა კონტრაქტების ნახვა ასევე შეგიძლიათ კატეგორიაში [TradFi].
3. ქვედა მარჯვენა კუთხეში შეგიძლიათ ნახოთ თქვენი Futures-ის ანგარიშის ბალანსი. თუ ბალანსზე თანხა არ არის, მის შესავსებად შეგიძლიათ გამოიყენოთ ფუნქციები [Transfer] (გადარიცხვა), [Buy Crypto] (კრიტოს ყიდვა) ან [Swap] (სვოპი).
თუ პირველად იყენებთ Binance Futures-ს, პირველ რიგში უნდა გახსნათ Futures-ის ანგარიში.
ვაჭრობის დაწყების წინ ასევე შეიძლება მოგთხოვონ Futures-ის ქვიზის გავლა.
4. როდესაც მზად იქნებით, შეგიძლიათ დაიწყოთ ფიუჩერსების კონტრაქტების ყიდვა ან გაყიდვა შეკვეთების პანელის გამოყენებით.
5. ეკრანის ზედა მარჯვენა კუთხეში არსებულ [Cross] ღილაკზე დაწკაპუნებით ან შეხებით შეგიძლიათ აირჩიოთ კროს-მარჟის ან იზოლირებული მარჟის რეჟიმი.
თუ გააქტიურებულია კროს-მარჟის რეჟიმი, თქვენი მარჟის ან ლიკვიდაციის დონეების დაანგარიშებისას ხდება თქვენს ფიუჩერსების ანგარიშზე და ფიუჩერსების ყველა პოზიციაზე არსებული აქტივების გათვალისწინება. ეს იმას ნიშნავს, რომ თქვენი ღია პოზიციები ერთმანეთზე ახდენს გავლენას მაშინაც კი, თუ სხვადასხვა ტიპის აქტივებს იყენებთ. მაგალითად, თქვენი ვერცხლის პოზიციით გამოწვეული ზარალის გამო შესაძლოა მოხდეს თქვენი ოქროს პოზიციის ლიკვიდაცია იმ შემთხვევაშიც კი, თუ სხვადასხვა სავაჭრო წყვილებით ვაჭრობთ.
იზოლირებული მარჟის რეჟიმი საშუალებას გაძლევთ ინდივიდუალურად აკონტროლოთ თქვენი პოზიციების რისკები თითოეული მათგანისთვის კონკრეტული აქტივის გამოყენების მეშვეობით, ეს იმას ნიშნავს, რომ იზოლირებულ პოზიციაზე გავლენას არ მოახდენს სხვა ღია პოზიციაზე დაფიქსირებული ფასის რყევა.
მეტი ინფორმაციისთვის იხილეთ შემდეგი სტატია: რა არის იზოლირებული მარჟა და კროს-მარჟა კრიპტოთი ვაჭრობის დროს?.
6. ეკრანის ქვედა ნაწილში თქვენ შეგიძლიათ იხილოთ თქვენი პოზიციები, ღია შეკვეთები, შეკვეთების ისტორია და სხვა.
დეტალური ინფორმაციისთვის იხილეთ ხშირად დასმული კითხვები: ტრადიციული აქტივების უვადო ფიუჩერსები.
შეჯამება
XAUUSDT და XAGUSDT სავაჭრო წყვილების დამატებით, Binance Futures გვთავაზობს ტრადიციულ ფინანსების კრიპტო სივრცესთან დაკავშირების შესაძლებლობას. კაპიტალის ოდენობასთან და ვაჭრობის საათებთან დაკავშირებული შეზღუდვების აღმოფხვრის მეშვეობით, Binance Futures წარმოგვიდგენს ძვირფასი ლითონებით ვაჭრობის მოსახერხებელ გზებს. თუმცა უნდა გახსოვდეთ, რომ ფიუჩერსებით ვაჭრობის დაწყებამდე აუცილებელია მასთან დაკავშირებული რისკების გათვალისწინება და ამ პროდუქტის მუშაობის პრინციპების ცოდნა.
დამატებითი საკითხავი
რა არის იზოლირებული მარჟა და კროს-მარჟა კრიპტოვალუტით ვაჭრობაში?
Bitcoin Spot ETF და Bitcoin Futures ETF: რა განსხვავებაა მათ შორის?
პასუხისმგებლობაზე უარის განაცხადი: ეს კონტენტი თქვენთვის წარმოდგენილია „არსებული სახით“ და განკუთვნილია მხოლოდ საინფორმაციო და საგანმანათლებლო მიზნებისთვის, რაიმე სახის რეპრეზენტაციისა თუ გარანტიის გარეშე. იგი არ უნდა იქნეს აღქმული, როგორც ფინანსური, იურიდიული ან პროფესიული რჩევა და არ არის განკუთვნილი იმისთვის, რომ რეკომენდაცია გაუწიოს რაიმე სახის კონკრეტული პროდუქტის ან სერვისის შეძენას. რჩევების მისაღებად თავად უნდა მიმართოთ შესაბამის პროფესიონალ მრჩეველს. თუ წინამდებარე სტატია მოწოდებულია მესამე მხარის მიერ, გაითვალისწინეთ, რომ მასში წარმოდგენილი შეხედულებები ეკუთვნის მესამე მხარეს და არ წარმოადგენს Binance Academy-ს შეხედულებებს. ციფრული აქტივების ფასები შეიძლება იყოს არასტაბილური. თქვენი ინვესტიციის ღირებულებამ შეიძლება დაიკლოს ან მოიმატოს და შესაძლოა ვერ შეძლოთ ინვესტირებული თანხის დაბრუნება. თქვენ ერთპიროვნულად ხართ პასუხისმგებელი თქვენს საინვესტიციო გადაწყვეტილებებზე და Binance Academy არ არის პასუხისმგებელი თქვენ მიერ განცდილ არანაირ ზარალზე. დამატებითი ინფორმაციის მისაღებად, გაეცანით ჩვენს გამოყენების პირობებს, რისკის შესახებ გაფრთხილებას და Binance Academy-ს პირობებს.