Rootstock nədir?
Rootstock smart müqavilə funksionallığını Bitcoin-ə gətirən, eləcə də sürətli, ucuz və genişləndirilə bilən mərkəzdənkənar tətbiqləri (Dapp-lər) dəstəkləyən və eyni zamanda Bitcoin-in təhlükəsizliyini təmin edən Bitcoin Qat 2 həllidir.
Rootstock birgə mayninq yolu ilə Bitcoin-in heş gücünün 80%-dən çoxu vasitəsilə təmin edilir və hər tranzaksiyanın Bitcoin-in özü ilə eyni iş sübutu təhlükəsizliyindən faydalanmasını təmin edir. Sürətli ödənişlər üçün optimallaşdırılmış Lightning şəbəkəsindən fərqli olaraq Rootstock developerlərin Bitcoin-dən girov kimi istifadə etməklə kredit protokollarından mərkəzdənkənar mübadilələrə qədər hər şey yaratmalarına imkan verir.
Rootstock Ethereum virtual maşınına (EVM) uyğunluğu sayəsində Solidity əsaslı smart müqavilələri və populyar Ethereum alətlərini dəstəkləyir və developerlərin tətbiqlərini Ethereum, BNB Smart zənciri və EVM-ə uyğun digər şəbəkələrdən köçürmələrini asanlaşdırır. Rootstock-un ilk ağ kağızı 2015-ci ildə dərc olunub və şəbəkə 2018-ci ildə fəaliyyətə başlayıb.
rBTC nədir?
Rootstock-un ekosistemi şəbəkədə tranzaksiyaları və smart müqavilələrin icra edilməsini dəstəkləyən və 1:1 nisbəti ilə BTC-yə indekslənmiş token olan rBTC ilə işləyir. İstifadəçilər Bitcoin üçün təhlükəsiz, icazəsiz körpü olan PoWPeg vasitəsilə BTC-ni rBTC-yə konvertasiya etməklə Rootstock-a ötürə bilərlər. Rootstock-da Bitcoin LayerBank, Uniswap və SushiSwap kimi DeFi tətbiqlərində istifadə oluna bilər və sahibləri BTC-ni satmadan gəlir əldə edə bilərlər.
2025-ci ilin mart ayına olan məlumata görə, 2500-dən artıq BTC Rootstock-a ötürülərək onun böyüməkdə olan DeFi ekosisteminə əlavə olunub.
RIF nədir?
RIF Rootstock İnfrastruktur Tokeni ifadəsinin qısa yazılışıdır və genişləndirilə bilən Bitcoin tokeni kimi də tanınır. Stimulları, infrastrukturu və qarşılıqlı fəaliyyəti dəstəkləməklə Bitcoin DeFi-nin Rootstock platformasında qəbul edilməsini sürətləndirmək üçün yaradılmış RIF Bitcoin-in DeFi sahəsinə daxil olmaq və bu sahədə iştirak etmək üçün asan yol təklif edir.
Niyə məhz RIF?
RIF-in ən böyük istifadə hallarından biri Rootstock şəbəkəsinin mərkəzdənkənar olmasını təmin etmək və onu böyütmək üçün nəzərdə tutulmuş DAO olan RootstockCollective-dir. RIF pay qoyulduqda stRIF olur və idarəetmə səsverməsinin, qrant müraciətlərinin, eləcə də Bitcoin və RIF şəklində ödənilən mükafatların kilidini açır. RIF eyni zamanda USDRIF adlanan senzurayadavamlı stabil koin və pul kisəsi ünvanlarını insan tərəfindən oxuna bilən istifadəçi adları ilə əvəz edən RNS protokolu kimi digər protokolları da dəstəkləyir.
RIF Binance kimi aparıcı birjalarda, Rootstock Base, Arbitrum və Ethereum daxil olmaqla əsas blokçeynlərdə, eləcə də Uniswap, Sushiswap, LayerBank, Tropykus və digər DeFi protokollarında asanlıqla əlçatan olmaqla daha geniş Web3 mühitinin Bitcoin DeFi-nin Rootstock-dakı uğurundan faydalanmasına imkan verir.
RIF-in bəzi istifadə hallarına aşağıdakılar daxildir:
Bitcoin DeFi-nin genişləndirilməsi – RIF developer qrantlarını, mükafatlarını və mərkəzdənkənar idarəetməni dəstəkləməklə Rootstock ekosistemini gücləndirir.
İdarəetmə və steykinq – RIF steykinq edildikdə stRIF-ə konvertasiya edilir və sahiblərin qrant təkliflərinə səs vermələrinə, eləcə də RootstockCollective DAO vasitəsilə BTC və RIF şəklində mükafatlar qazanmalarına imkan verir.
Stabil koin və ödənişlər – RIF pul köçürmələri, kreditlər və sərhədlərarası ödənişlər üçün istifadə edilən senzurayadavamlı stabil koin olan USDRIF-i dəstəkləyir.
Mərkəzdənkənar kimlik – RIF mürəkkəb pul kisəsi ünvanlarını insan tərəfindən oxuna bilən istifadəçi adları ilə əvəz edən RNS xidmətini (RIF ad xidməti) dəstəkləyir və bununla da kriptovalyuta tranzaksiyaları ilə bağlı istifadəçi təcrübəsini təkmilləşdirir.
RootstockCollective DAO: Bitcoin qurucularının dəstəklənməsi
RootstockCollective DAO icma tərəfindən idarə olunan idarəetmə, maliyyələşdirmə və mükafatlar vasitəsilə Bitcoin DeFi-ni genişləndirməyi hədəfləyən mərkəzdənkənar təşkilatdır.
Töhfəçilər stRIF steykinqi vasitəsilə Rootstock-un böyüməsinə təkan verən layihələr təklif edə və onlara səs verə bilərlər.
Bu DAO eyni zamanda developer və dəstəkçiləri həvəsləndirən Kollektiv mükafatlar proqramını da həyata keçirir:
Qurucular Bitcoin-in DeFi əhatəsini genişləndirən Dapp-ləri, inteqrasiyaları və xidmətləri işə salmağa görə mükafat əldə edirlər.
Dəstəkçilər mühüm layihələri dəstəkləmək və şəbəkənin uğurundan pay əldə etmək üçün RIF steykinqi edə bilərlər.
Bitcoin-də DeFi: Rootstock ilə nə etmək olar?
Rootstock ilə Ethereum-un DeFi ekosistemində mövcud olan hər şey artıq Bitcoin platformasında yaradıla bilər. Ekosistemə aşağıdakılar daxildir:
Mərkəzdənkənar mübadilələr (DEX-lər): SushiSwap və Uniswap.
Kredit vermək və borc almaq: LayerBank.
Çarpaz zəncir körpüləri: LiFi və Stargate.
Stabil koinlər və ödənişlər: USDRIF.
Bitcoin sahibləri artıq BTC satmadan gəlir əldə edə, likvidlik təmin edə və idarəetmədə iştirak edə bilərlər.
RIF və rBTC-nin saxlanma qaydaları
RIF və rBTC MetaMask, Ledger və Trezor-da saxlanıla bilər və bu, istifadəçilərə Rootstock ekosistemindəki aktivləri üzərində tam nəzarət imkanı verir.
Rootstock və RIF nə üçün Bitcoin DeFi-nin gələcəyi hesab olunur?
Bitcoin getdikcə inkişaf edərək sadə tranzaksiya hüdudlarını aşır. Rootstock və RIF ilə Bitcoin-də DeFi artıq xəyal deyil, reallıqdır. Developerlər üçün artıq mərkəzləşdirilmiş vasitəçilərdən asılı olmadan innovativ maliyyə tətbiqləri yarada biləcəkləri təhlükəsiz, EVM-ə uyğun qat mövcuddur.
Böyük tərəfdaşlıqlara və böyüməkdə olan icmaya malik olduğundan, eləcə də getdikcə daha çox qəbul edildiyindən Rootstock-da Bitcoin DeFi-ni araşdırmaq üçün ideal vaxtdır. Developer, investor və ya həvəskar olmağınızdan asılı olmayaraq Bitcoin DeFi-nin imkanları sonsuzdur.
Daha ətraflı məlumat əldə etmək üçün Rootstock veb-saytına daxil olun və ya rBTC və RIF ilə nələr edə biləcəyinizi araşdırmaq üçün Discord-da Rootstock icmasına qoşulun.